Өнөөдөр Хэнтий, Сүхбаатар, Говьсүмбэр, Дорноговийн нутаг, Төв аймгийн зүүн, Дорнодын баруун хэсгээр салхи секундэд 18-20 метр хүрч ширүүсэн билээ. Ялангуяа Говьсүмбэр аймгийн нийт нутгаар тавдугаар сарын 11-нд салхи баруун хойноос 18-20 м/с хүрч шороон шуурга шуурч, угалз болжээ. 

Говьсүмбэр аймагт шороон шуурга шуурч, угалз болж буй бичлэгийг өнөөдрийн Трэнд LIVE онцолж байна.
Түүнчлэн Хэнтий аймгийн Хэрлэнбаян-Улаан тосгонд салхины дундаж хурд баруун хойноос 18-22 м/с, салхины их хурд 25-34м/с, Дэлгэрхаан харуулд салхины дундаж хурд баруун хойноос 15-22 м/с, салхины их хурд 26м/с хүрсэн байна. 200метр хүртэлх газарт алсын бараа харагдахгүй болсон гэнэ.

---