Засгийн газрын ээлжит хуралдаан болж байна. Хуралдаанаар 12 асуудал хэлэлцэж байна. Юун түрүүнд сургалтын төвүүдийг нээх тогтоолыг баталжээ. 

Ингэснээр өнөөдрөөс эхлэн 1088 сургалтын төвийг ЭМЯ-ны зөвлөмжийг үндэслэж үе шаттай нээнэ. Сургалтанд 16-аас дээш насны иргэдийг хамруулна.

Мөн төгсөх ангийн буюу 12-р ангийн 30 мянга орчим сурагчийг сургууль тус бүрт нь танхимын давтлага өгөхийг Боловсрол, соёл, шинжлэх ухаан, спортын сайд Ё. Баатарбилэгт даалгав.

Нэг сургуульд 40-50 хүүхэд байхаар буюу ангид 10-аас хэтрэхгүй сурагч давтлага авч болохоор боллоо гэж Засгийн газрын Хэвлэл мэдээлэлттэй харилцах хэлтсийн дарга Ц.Ганзориг мэдээлжээ. 

 

---