“Зөв амьдрах ухаан” ТББ-ын тэргүүн Г.Загдаад хүчиндүүлсэн гэх эмэгтэй өнөөдөр 12:00 цагт хэвлэлийн бага хурал хийснээс хойш Г.Загдааг тойрсон асуудал сошиол ертөнцөнд трэнд үйл явдал болж өрнөсөн юм.

“Зөв амьдрах ухаан” ТББ-ын тэргүүн Г.Загдаа болон тус байгууллагын нийгмийн ажилтнуудад удаа дараа хүчиндүүлж, дарамтлуулж хохирсон талаараа Д.Халиун гэх эмэгтэй хэвлэлийн бага хурал хийж, Г.Загдаагийн ёс бус авирын талаар нулимс дуслуулан ярьсан билээ.

Харин уг мэдэгдэлд "Зөв амьдрах ухаан" ТББ-ын тэргүүн Г.Загдаа өөрийн фэйсбүүк хуудсаар дамжуулж, сэтгүүлчдэд тайлбар хийхдээ “Надад үнэхээр хэлэх ч үг алга. Энэ бол гүтгэлэг. Надад хүчирхийлүүлсэн гээд байгаа эмэгтэй манайд ирэхдээ бэлгийн замын халдварт өвчтэй байсан бөгөөд хүүхэд нь эмгэгтэй төрсөн.

Тэр эмэгтэйг өөрийнх нь амьдралаа аваад явах чадвартай эсэхийг харж байж хүүхдийг өөрт нь өгөх тал дээр шүүх шийдвэрээ гаргах байх. Одоогоор манайд 130 хүн байгаа. Үүний 60 гаруй нь хүүхэд” гэсэн тайлбар өгсөн юм.

Ингээд уг асуудлаар ГБХЗХГ болон холбогдох албаны хүмүүс очих үеэр “Зөв амьдрах ухаан” ТББ-д амьдарч буй хүмүүс өөрсдийнхөө хашаанд эсэргүүцлийн цуглааныг зохион байгуулав. Жагсагчид “Биднийг гүтгэн доромжилж байгаа Д.Халиунааг энд авчрахыг шаардаж байна. Тэр хүн биднийг гүтгэн доромжлохынхоо оронд бидэнтэй ирж нүүрэлдэх ёстой” хэмээлээ.

 

---