АНИМЕ
СПОРТ
ХӨГЖИМ
™ watch

Коронавирусийг оношлогч эмч Б.Дармаа: Бид хийх ёстой ажлаа л хийж байгаа

Нийтэлсэн
1 сарын өмнө

Нийтэлсэн:   Admin
1 сарын өмнө

ХӨСҮТ-ийн вирус судлалын лабораторийн эрхлэгч, анагаах ухааны доктор Б.Дармаа эрүүл мэндийн салбарт 30 гаруй жил зүтгэж буй нэгэн. Тэрбээр коронавирусийн халуун цэгт үүрэг гүйцэтгэж, вирус тогтоох шинжилгээ хийдэг хамгийн чухал үүрэг хүлээсэн ХӨСҮТ-ийн цөөхөн лабораторчны нэг. Манай улсад коронавирусийн халдвар илрээд сар орчим болж, 16 хүн халдвар аваад байгаа ч дөрвийг нь эдгээгээд байна. Тусгай үүргийн ес дэх онгоц эх орондоо ирж буй тунчиг завгүй энэ цаг үед түүнтэй цөөн хором ярилцлаа. 

-Одоогийн нөхцөл байдал ямар байна вэ? 

-Монгол Улсын лабораторийн оношилгоо, илрүүлэг хэвийн явагдаж байна. Оношлуур, урвалж, лабораторийн хэрэгсэл, бэлэн байдал хангагдсан. Энд ажиллаж байгаа мэргэжилтнүүд олон жил сурсан, тусгай бэлтгэгдсэн хүмүүс. Жил бүр л амьсгалын замын халдвар буюу томуу, томуу төст өвчин дэгдэж байдаг. Энэ үед ажиллаж байсан туршлагатай, молекул клиникийн оношилгоо дээр үргэлж ажилладаг хүмүүс бий. Тийм учраас одоохондоо бидэнд тулгамдаж байгаа бэрхшээл байхгүй.

-Гэртээ харьж байгаа юу? 

-Сорьц хүлээж авах, ариутгал, устгалын хэсэгт ажиллаж байгаа бид ээлжээр жижүүрлэж байна. . Өдрийн шинжилгээнээс хамаараад хэдэн цагт ч гэртээ харьж болно. Шаардлагатай зарим эмч, сувилагч, асрагч нар гэртээ харихгүй, тусгаарлагдан ажиллаж байна. . Ийм учраас аюулгүй байдлаа хангаад, ээлжээр гэртээ харьдаг. Энэ хамгаалалт стандартаар явагддаг учраас айж, санаа зовох хэрэггүй. 

-Таны ажил хамгийн хариуцлагатай алба байх? 

-Энд ажиллаж байгаа бүх хүн л хариуцлагатай байх ёстой.“COVID-19”-ийн халдвар авсан эсэхийг тогтоох лабораторийн шинжилгээн дээр манай багийн 13 хүн ажиллаж байгаа. Энэ бол өндөр хариуцлагатай бөгөөд чухал ажил. Лабораторийнхон 24 цагаар ээлжлээд, мянга мянган хүний шинжилгээ хийж байгаа. Хариу хэзээ гарна, тэр дор нь мэдээллэх үүргийг хүлээж буй. Бидний мэдээллийн дагуу халдвар судлаачид хавьтлуудыг маш яаралтай тогтоож, цуглуулан ХӨСҮТ-д авчирч, ард иргэдээ халдвараас хамгаалж сэргийлдэг. Монголчууд коронавирусийг хяналтандаа сайн авч, хязгаарлаж чадаж байгаа. Амьсгалаар дамжиж байгаа халдварт өвчин гаднаас зөөвөрлөж орж ирсэн ч тэдгээр иргэнийг тусгаарлаж, олон нийтэд тараахгүй байгаа нь сайн хэрэг. Монгол Улсын Засгийн газар, ЭМЯ салбар хооронд уялдаа холбоо сайтай ажиллаж байгаа. Нэг, нэгнийгээ сонсож, зохион байгуулалтад сайн орлоо. Энэ бол маш том сургамж, туршлага боллоо. 

-Голомтод ажиллаж байгаа хүмүүсийн сэтгэл санаа ямар байна вэ? 

-Бид халдварт өвчний илрүүлэг, эмчилгээ, тандалт дээр ажилладаг үндэсний мэргэжилтнүүд шүү дээ. Тэгэхээр бид хийх ёстой ажлаа л хийж байгаа. Бидний оронд хэн ч байсан ингэж л ажиллах үүрэгтэй. Үүргээ л биелүүлж байгаа гэж бодож байна. 

-Өнөөдрийн байдлаар манай улсад халдвар авсан хүний тоо 16 болчихлоо. Үүнээс дөрөв нь эдгээд гарсан. Анх халдвар авсан Франц иргэний биеийн байдал ямар байгаа вэ? 

-Анхны сорьцыг манай орон нутгийн эмч нар, ХӨСҮТ-өөс очсон багийнхан хамтарч илрүүлээд, хот руу аюулгүй тээвэрлэсэн. Харин дараагийн хүмүүс тусгай үүргийн онгоцоор ирсэн учраас сорьцыг ХӨСҮТ-д шинжлүүлсэн.Халдварт өвчний илрүүлгийн үед ч хэдэн зуун шинжилгээ өдөрт хийдэг. Үүнтэй л адил зүйл өрнөж байгаа шүү дээ. Франц иргэний биеийн байдал нь сайжирч, шинж тэмдгүүд нь арилж илааршиж байгаа.

Д.Чанцалдулам


Сэтгэгдэл (7)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

иргэн
1 сарын өмнө
202.55.188.39

эгэл даруйхан монгол эмэгтэйн тѳлѳѳлѳл ажлаа л хийж байгаа шүүдээ энэ үг нь хүнд нэгийг бодогдууллаа таниар болон энэ голом тонд ажиллаж буй бүх хүмүүст баярлалаа биеэбодооро дархалаагаа сайн дэмжээрэй та та нар монголын ард түмэн бахархаж байна эрүүл энхийг хүсье

Oyunaa
1 сарын өмнө
103.26.195.63

Erdemtei hvn daruu,ih mirin dulguun gj yasan vnen vg we,amjilt hvsie

Зочин
1 сарын өмнө
192.82.67.9

Эрүүл энхийн элч нартай баярлалаа.Та нарын мтнь гарт монголын ирээдүй байна шүүү.

Зочин
1 сарын өмнө
211.36.143.195

Гавъяат эмч өг

Иргэн
1 сарын өмнө
148.74.215.31

Худлаа хоосон хөөрөгдөж амбиц хөөдөг улсын дэргэд харин ч үнэнийг хэллээ, жил бүр хөгшид нялхсыг хатгаа болгон амийг нь авдаг олон вирусын л нэг, улс болгоны хүн амын тоог нас барсан хүний тоотой нь харьцуулбал 1-3% л байгаа, хорт хавдраар, ханиад томуугаар, авто ослоор түүнээс олон хүн энддэг, хөл хорих биш хүн бүр маск зүүж, гараа угааж сурах нь л наад захын соёл.

Tsagaan Tumur
1 сарын өмнө
172.58.206.241

Erdemtei hun daruu ih murun dulguun gedeg dee . Minii naiz chini tiim l hun dee . Naizdaa amjilt , biee sain bodooroi .

Зочин
1 сарын өмнө
64.119.20.41

Яг ийм онцгой нөхцөл байдалд таны эрүүл мэнд бас чухал шүү... Бид хөл хорио, маскны дэглэмийг сайн хэрэгжүүлж байгаа

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.