АНИМЕ
СПОРТ
ХӨГЖИМ
™ watch
Дэлхий дахинд | 1 сарын өмнө

ДЭМБ: Африк тив вакцины туршилтын талбар болохгүй

Нийтэлсэн
1 сарын өмнө

Нийтэлсэн:   О.Тэргэл
1 сарын өмнө

Дэлхийн эрүүл мэндийн байгууллагын тэргүүн Тедрос Адханом Гебрейсус коронавирусийн эсрэг урьдчилан сэргийлэх тарилгыг Африкт туршиж үзэх боломжтой гэсэн Францын хоёр эмчийн саналыг арьс өнгөөр ялгаварлан гадуурхсан үзэл гаргалаа хэмээн буруушаажээ.

Тодруулбал, телевизийн мэтгэлцээний үеэр Парис дахь Кочин эмнэлгийн эрчимт эмчилгээний тасгийн дарга Жан-Пол Мира "Бид энэ судалгааг амны хаалтгүй, эмчилгээгүй, сэхээн амьдруулах чадамжгүй Африкт хийх хэрэгтэй биш гэж үү?” хэмээн ярьжээ. Хамт байсан өөр нэгэн эмч Лохт түүнтэй толгой дохин санал нийлээд "Таны зөв. Бид Африкт туршилт хийх талаар бодож байгаа" гэсэн юм.

Франц эмч нарын хэлсэн үг ихээхэн бухимдал төрүүлж, тэднийг Африкчуудыг “гвинейн гахай” мэт үзлээ хэмээн буруутгаж байна. Алдарт хөлбөмбөгчин Дидье Дрогба эмч нарын хэлснийг "үнэхээр арьс өнгөөр ялгаварласан үзэл гаргасан" гэж шүүмжилсэн бөгөөд "Африкийн хүмүүсийг гвинейн гахай бүү болго! Үнэхээр жигшмээр юм" гэжээ.

ДЭМБ-ын коронавирусийн тухай хуралдааны үеэр эдгээр эмч нарын саналын талаар асуухад ДЭМБ-ын тэргүүн доктор Тедрос Адханом Гебрейсус ихэд уурлаж, энэ санааг "колоничлолын сэтгэлгээний үлдэгдэл" гэжээ. Тэрээр "Африк тив коронавирусээс сэргийлэх тарилгын туршилтын газар болох учиргүй, болох ч үгүй" хэмээн баттай хариу өгөв.

Гэвч эмч нарын хэлсэн үг Африкийн иргэдийн дунд тэднийг коронавирусийн урьдчилан сэргийлэх тарилга гарган авахад ашиглана гэсэн айдас түгшүүрийг улам бүр нэмэгдүүлж байна. Коронавирусийн төвүүд Африкийн орнуудад ихээхэн баригдаж байгаа. Саяхан Кот-д'Ивуар буюу Зааны ясан эрэг улс дахь Абиджан хотод баригдаж байсан байгууламжийг босогчид нүцгэн гараараа хэдэн хэсэг болгон нураажээ.

Эх сурвалж: BBC


Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.