Дэхийн өнцөг булан бүрт амьдарч буй монголчууд коронавирусийн халдвараас үүдэн хүндхэн нөхцөлд ороод байна. Тийм ч учраас халдвартай бүс нутгуудаас эх орондоо ирэх хүсэлтээ ээлж, дараалан гаргасаар байгаа билээ.

Тэдгээрийн нэг нь АНУ-ын Сайпан арал дээр ажиллаж, амьдарч байгаа 124 монгол иргэн юм. Тэд өнгөрсөн оны 08-р сард “Жунсон констранкшн” компанийн “Imperial Pacific International” LLC компанитай хамтран ажиллах гэрээний дагуу Сайпан арал дээр ажил гүйцэтгэхээр ирсэн байна.

Гэвч Сайпан арал дээр коронавирусийн халдварын дөрвөн тохиолдол бүртгэгдэж, нэг нь өчигдөр /2020.03.30/ нас баржээ.

Тиймээс Сайпан арал дээр байгаа монголчууд ажлаа зогсоож, нутаг руугаа буцах хүсэлтээ тус улсын элчин сайдын яам болон удирдлага компанидаа илэрхийлжээ. Мөн Монгол руу ЗТХЯ, ЭМЯ, ГХЯ-д ч хандан тусгай үүргийн онгоцоор нутаг руугаа буцах хүсэлтээ илэрхийлсэн албан бичиг явуулсан байна.

Монголын талаас халдвартай бүсээс ирж байгаа иргэдийг эрүүл байх шаардлага тавьж байгаа учир тэд өчигдрөөс өөрсдийгөө тусгаарлаж эхэлжээ.

Сайпан арал нь АНУ-ын Калифорни мужийн арал бөгөөд АНУ-ын харьяаны боловч Азийн бүс нутагт хамаардаг байна. БНСУ-тай маш ойр учир дээрх иргэд БНСУ-аар дамжаад монгол руугаа явах боломжтой гэж үзэж байгаа юм. 

---