™ watch
Нийгэм | 1 долоо хоногийн өмнө

“Чингис хаан” банкны удирдлагуудыг хээл хахууль өгч, авсан гэм буруутайд тооцлоо

Нийтэлсэн
1 долоо хоногийн өмнө

Нийтэлсэн:   Admin n
1 долоо хоногийн өмнө
Сурталчилгаа

Эрүүл мэндийн даатгалын ерөнхий газар (ЭМДЕГ)-ын дарга Ч.Алтанхуяг, тус газрын Санхүү, төлбөрийн хэлтсийн ахлах мэргэжилтэн Б.Баярхүү,.

Хэргийн холбогдогч нар хэргээ шуурхай шийдвэрлүүлэх хүсэлт НПГ-т гаргасныг прокурор хүлээн авч, яллах дүгнэлт үйлдэн дээрх шүүхэд шилжүүлсэн юм.

Алтанхуягийг Эрүүл мэндийн даатгалын сангийн чөлөөт үлдэгдлийг “Чингис хаан” банкны дансанд байршуулсан. “Чингис хаан” банкийг Эрүүгийн хуулийн 22.5-3 дахь хэсэгт заасан “Хахууль өгөх гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн”, гүйцэтгэх захирал С.Сандагдоржийг өөртөө давуу байдал бий болгох зорилгоор улс төрд нөлөө бүхий албан тушаалтанд хахууль өгсөн хэмээн буруутгасан талаар бид өмнө нь мэдээлсэн. 

ЭМДЕГ-ын дарга Ч.Алтанхуяг албан тушаалаа урвуулж, “Чингис хаан” банканд давуу байдал бий болгон, Эрүүл мэндийн даатгалын сангийн 30 тэрбум төгрөгийг тус банканд байршуулсныхаа хариуд 2019 оны дөрөвдүгээр сарын 30-наас наймдугаар сарын 31-ний хооронд дансны үлдэгдэл мөнгөнөөс 1-1.3 хувийн хүү бодож, 86.2 сая гаруй төгрөг бэлнээр авсан нь тогтоогдсон юм. Уг мөнгийг “Чингис хаан” банкны хувьцаа эзэмшигч “Нью стандарт финанс” ХХК-ийн данснаас таван удаагийн гүйлгээгээр Ч.Алтанхуяг, Б.Баярхүү нар авсан нь ч батлагдсан гэдэг.

Сүхбаатар дүүргийн Эрүүгийн хэргийн анхан шатны шүүх “Чингис хаан” банк, тус банкны гүйцэтгэх захирал С.Сандагдорж, ЭМДЕГ-ын дарга Ч.Алтанхуяг нарыг хээл хахууль өгч, авсан гэм буруутайд тооцсон юм. Улмаар Эрүүл мэндийн болон Нийгмийн даатгалын сангийн хөрөнгийг тус банканд байршуулах эрхийг гурван жилээр хасаж, 125 сая төгрөгөөр торгох ял оноов. Гүйцэтгэх захирал С.Сандагдоржийг төрийн албанд ажиллах эрхийг хоёр жил хасаж, долоон сая, ЭМДЕГ-ын дарга Ч.Алтанхуягийг мөн хугацаагаар төрд ажиллах эрхийг нь хязгаарлаж, 30 сая төгрөгөөр торгох ял шийтгэлээ.

Бэлтгэсэн: Г.Равжаа


Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
5 хоногийн өмнө
66.181.161.69

Ингээд л болоо юу

Зочин
4 хоногийн өмнө
43.228.129.206

Энэ банкны удирдлагууд гэж шуналын тулам луйварчид байх юм даа. Тэр их өндөр цалин, хангажийн хажуугаар идэж уухын дон туссан мангасууд. Одоо энэ төр засаг банкны асуудлыг нэг тийш нь болгож, шийдэх цаг нь болжээ.

Иргэн
1 хоногийн өмнө
103.57.94.194

Тэгээд энэ Сандагдорж хувийн банкны захирал юм уу,төрийг албан хаагч юм уу. Ойлгомжтой бичээч.Монголыг шүүх гэж эмгэнэл

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.