АНИМЕ
СПОРТ
ХӨГЖИМ
™ watch
Эрүүл мэнд | 1 долоо хоногийн өмнө

Б.Чинбат: Бие минь сайжирч, төгөлдөр хууран дээрээ гараа тавих хэмжээнд хүрсэн

Нийтэлсэн
1 долоо хоногийн өмнө

Нийтэлсэн:   С.Шүрэнчимэг n
1 долоо хоногийн өмнө
Сурталчилгаа

"Sweetymotion” хамтлагийн продюсер, “Никитон” хамтлагийн хөгжимчин Б.Чинбат мэс заслын дараах эмчилгээгээ дуусган удахгүй эх орондоо буцахаар болжээ

Тэрээр өнгөрсөн оны арваннэгдүгээр сарын 27-нд БНСУ-ын Корё их сургуулийн "Анам" эмнэлэгт элэг шилжүүлэн суулгах хагалгаанд орсон бөгөөд уг хагалгаанд түүний гэргий Ц.Сарнай донор болсон билээ. Тэд нар өөрсдийн сэтгэгдлээ "Анам" эмнэлгийн хуудсанд үлдээжээ. 

Б.Чинбат: Урд нь Солонгос улсын эрүүл мэндийн систем "маш сайн" гэж сонсож байсан. Тэгээд гэр бүлийнхэн, гэргийтэйгээ ярилцсан. Бидэнд сонголт хийх 4-5 эмнэлгийн нэр байсан ч Солонгост ирээд "Анам" эмнэлэгт ирэнгүүтээ бид нарын итгэж найдах эмнэлэг мөн байна гэж бодсон. Үнэхээр ч хагалгаа маань амжилттай болсонд их баяртай байна.

Ц.Сарнай: . Хавдар судлалын үндэсний төвийн дарга байсан Ж.Чинбүрэн эмч маань "Анам" эмнэлгийн элэг шилжүүлэн суулгах төвийн Ким эмчийг сайн мэддэг, хамтарч ажилладаг юм билээ. Ким эмч ч гэсэн Монголд очиж байсан, "Анам" эмнэлэгийнхэн монголчуудад их элэгтэй ханддаг гэдгийг сонсоод их дотно санагдсан. Солонгост ирээд анх хөл тавьсан эмнэлэг маань "Анам" эмнэлэг. Тэгээд л эргэлт буцалтгүйгээр эндээ хагалгаа хийлгүүлсэн нь зүгээр юм байна гэж шийдсэн.

Ер нь хүнд цаанаасаа нэг тийм совин ч гэх юм уу мэдрэмж байдаг шүү дээ. Үйлчилгээ, эмч, сувилагч гээд л бүх хүмүүс нь мундаг чадвартай. Ер нь хүн эмчлэх эмчдээ итгэх ёстой. Тийм л итгэлцэл дундаас бид хагалгаагаа амжилттай хийлгээд ард нь гарсан даа. Бид хоёр сэтгэл маш өндөр байгаа.

Б.Чинбат: Бид хоёрын хувьд маш их баяртай байгаа. Бүх хүмүүс нь мэргэжлийн ур чадвар өндөр, эзэмшсэн мэргэжилдээ гаргуун байсан. Ярьсан харьцсан эмч, сувилагч, бид нарыг холбож өгсөн кординатор, орчуулагч гээд л. Зуун хувь сэтгэл хангалуун байна.

-Эмчилгээ хийлгүүлж байх үе, хагалгааны өмнө болон дараа, ер нь эмнэлэгт хэвтэж байх хугацаанд эмнэлгийн үйлчилгээний талаар ямар бодол сэтгэгдэл төрсөн бэ? Сайн тал нь юу байсан бэ?

Б.Чинбат: Олон жил өвдөж явсан болохоор ч тэр үү хурдхан шиг л мэс засалдаа орчих юмсан гээд яараад байсан. Хагалгаанд орохын өмнө маш олон удаа эмчтэйгээ уулзаж байлаа. Ким эмчийн баг бол үнэхээр өндөр түвшний сайн эмч нар байсан. Тэгээд бас хүнтэй их гоё ойр ажиллаж чаддаг.

Хэзээ ч амьдралдаа үзээгүй юмаа үзэж байгаа болохоор бид нар мэдээж айж байсан. Надад элгээ өгсөн хүн бол миний гэргий. Энэ бол үнэхээрийн гайхалтай.

Миний хувьд насан туршдаа баярлаад баршгүй гайхалтай үйл явдал болсон. (Инээв) Тэгээд бүх юм их гоё зөөлөн явсан. Үнэхээрийн сайхан юм байна лээ. Одоо бол би чинь мэс засалд ороод гурванхан сар болж байгаа ч төгөлдөр хууран дээрээ гараа тавих хэмжээнд хүрсэн.

-Том хагалгааны ард гарсан, хагалгааны дараа таны биеийн байдал хэр сайжирсан бэ, хэр сайн эдгэрсэн бэ?

Б.Чинбат: . Тэгээд бас тухайн өвчтөн өөрөө гоё тэмүүлэлтэй, амьдралын гоё өнгөтэй, бүх юмыг баяр баясгалантайгаар харах нь бас их сэтгэлийн хүч байдаг юм уу даа гэж бодож байна. Гэргий маань надад элгээ өгөөд адилхан хоёулаа өвчтөн болж таарсан. Хоёуланг маань сайхан эмчилсэн. Бид хоёр инээгээд л явж байна. Одоо бараг гүйлээ шдээ. (Инээв)

Ц.Сарнай: Гол нь өөрөө дотроо сэтгэлийн бэлтгэл сайтай байсан. Эхнээсээ өөрийгөө донор болно гэдэгтээ итгэлтэй байсан болохоор ер нь хагалгааны дараа долоохон хоногийн дотор босно шүү гэж дотроо бодсон. Өмнө нь ийм том хагалгаанд орж үзээгүй, гэхдээ хүнд үе мэдээж байсан.

Би чинь нөхрийгөө анхнаасаа харж асрах гэж ирсэн ч гэнэтхэн донор болсон. Донор болсон ч нөхрөө харж хандах ёстой гэдэг утгаараа  өөртөө хатуу чанга шаардлага тавьсан. Тэр ч хирээр  хурдан тэнхэрсэн. Эрүүл байх маш их чухал юм байна лээ.

Б.Чинбат: Миний хүслээр бол бүх доноруудыг алдаршуулах хэрэгтэй. Үнэхээр энэ хүмүүс гайхалтай.


Сэтгэгдэл (16)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
1 долоо хоногийн өмнө
223.38.24.3

Bayar hurgie. Emnelgees zaaj ugsun deglem, gam sain bariarai, hool humsnees ehleed mundag gaihaltai ehnert ni bas bayar hurgie. Argagui neg bie bolon eruuhdsun ger bul yumaa. Za eruuliig husie.

Уянга
1 долоо хоногийн өмнө
117.111.1.85

Уншихаар л нулимс гараад байдаг хань гэдэг чинь жинхэнэ ийм л үед хань нь байж чадсан хөөрхөн хоёр дүүдээ эрүүл энхийг хүсье. Солонгост эргээд очих юмсан гэж бодож л суунм . Хаяг нь байвал өгч туслаач

Зочин
1 долоо хоногийн өмнө
66.181.161.33

Bayr hvrgey saihan ger bvld...

Зочин
1 долоо хоногийн өмнө
66.181.181.152

Сайхан хайрыг гэрч үлгэр жишээ хосууддаа сайхан мэдээ дуулгаж байгаад баяр хүргье. Гэр бүлд нь эрүүл энх хорвоогийн сайхан бүхнийг хүсье.

Зочин
1 долоо хоногийн өмнө
192.82.68.212

sain bna odoo gamaa sain bariad bgaarai tegvel urt naslaj udaan jargana

Зочин
1 долоо хоногийн өмнө
202.55.184.18

баярлаж байна, та хоёртоо эрүүл энхийг хүсье. Гам сайн хийгээрэй.

ии
1 долоо хоногийн өмнө
202.21.117.34

Гайхалтай эмэгтэй . Иййййййм сэтгэлтэй улс төрчид олон бол улс маань мөн хурдан хөгжинө. Даан ч цөөхөн

Зочин
1 долоо хоногийн өмнө
59.153.113.99

Тус болсон ядарсан монголчуудаа битгий мартчихаарай! Одоо бусаддаа мөн буян үйлдвэл хэрэг зориг чинь бүтнэ шүү!? Гоё гэдэг дультраа үгнээсээ салчихвал зүгээр санж!! Ямар хэлд оржбайгаа жаахан хүүхэд биш

Zochin
1 долоо хоногийн өмнө
66.181.161.123

Sarnaid bayr hurge zorigtoi uhaantai ymas

Зочин
1 долоо хоногийн өмнө
66.181.161.5

az jargal eruul enkhiig husen erooe

ХАН ХЭНТИЙ
1 долоо хоногийн өмнө
202.126.89.96

Та 2 тоо эрүүл энхийг хүсье. Сарнайгаар бид бахархаж байгаа. Чинбаа дүү ч сайхан эдгээрэй

nar
1 долоо хоногийн өмнө
202.9.47.10

Anam emnelegt 2 udaa ochij emchluulsen, emch suvilagchid ni hunii tuluu mash sain uilchilseen daan ch tulburuu diilehgui emchilgee maani tasarsan daa. Ta 2 too eruul enhiig husie, mundag bnaa

Зочин
1 долоо хоногийн өмнө
64.119.16.249

Kim emch mongold irj olon hund eleg solij ogson buyntai hun dee, bas manai emch nart zaaj surgasan

Зочин
1 долоо хоногийн өмнө
66.181.161.51

bayar hurgie sn medee bna gol ni gamaa sn higerei

Зочин
1 долоо хоногийн өмнө
203.91.115.55

Их баярлаж байнаа .Гамаа л сайн бариарай.Хөгжмөө тоглох болоогүй ээ миний дүү .Улам сайхан эдгээрэй

Зочин
1 долоо хоногийн өмнө
202.21.107.70

ок

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.