Францын далайн эргийн, Испанитай хиллэдэг тосгонд нэг МОНГОЛ эмэгтэй халдвар авсан байз болзошгүйгээр Бордо хотод хүргэгдэн ирж тусгаарлагдсан байна. Улмаар вирустай гэж оншлогдон тэндээ эмчлүүлээд дөрөв хоножээ. Хоол ерөөсөө идэхгүй байгаа бөгөөд утсыг нь байнга ариутгахаар авч явдаг талаар ярьжээ. Тухайн монгол эмэгтэй хоёр дэлгүүрээр ороод гарсан тэрнээсээ хойш бие нь эвгүйрхэж эхэлсэн байна. Нэг ёсондоо дэлгүүрт ороод гарахдаа халдвар авсан гэж өөрөө таамаглаж байгаа аж.

Тухайн эмэгтэй очсон хотдоо таних хүнгүй, хэл мэдэхгүй хэд хоносон ч тэнд амьдарч буй, монгол улсын иргэн Ж.Э гэх хүн Д.Алтантуяа гэж эмэгтэйтэй холбож өгч, орчуулга хийж өгөх хүн ч олж өгчээ. Дээрх хүмүүс биесээ танихгүй ч нэгэндээ ийн тусалжээ. 

Харин энэ талаар Францид суух элчин сайдын яам нь ямар ч мэдээлэлгүй байгаа бөгөөд тухайн эмэгтэй ч өөрөө элчин сайдын яамандаа мэдэгдээгүй ажээ. 

Франц улсад өнөөдрийн байдлаар 2448 хүн шинээр коронавирусийн халдвар авч нийт халдвар тээгч 22304-д хүрчээ. 

 

 

---