АНИМЕ
СПОРТ
ХӨГЖИМ
™ watch
Нийгэм | 1 долоо хоногийн өмнө

Петровис Группээс COVID-19 халдварыг илрүүлэх 3,000 ширхэг түргэвчилсэн оношлуур хандивлалаа

Нийтэлсэн
1 долоо хоногийн өмнө

Нийтэлсэн:   Admin n
1 долоо хоногийн өмнө
Сурталчилгаа

Нийгмийн хариуцлагыг хэрэгжүүлэгч Петровис Группээс коронавируст халдвар (COVID-19)–ыг шуурхай илрүүлэх 40 сая төгрөгийн өртөг бүхий 3000 ширхэг түргэвчилсэн оношлуурыг Эрүүл мэндийн яаманд хандивлалаа.

Энэхүү оношлуур нь коронавирусийн үүсгэгчийг чанарын аргаар тодорхойлох түргэвчилсэн кассетан оношлуур бөгөөд ISO 13485:2016 сертификатаар баталгаажсан, АНУ-ын CTK Biotech компанийн брэнд бүтээгдэхүүн юм. Манай улсын Эрүүл мэндийн яаманд бүртгэгдсэн, бүтээгдэхүүний чанар нь баталгаажсан тус оношлуур вирусийн халдварыг 10 минутад илрүүлнэ.

Дэлхий даяар тархаж буй коронавируст халдвар (COVID-19)-ын тохиолдол манай улсад бүртгэгдээд буй энэ үед ард түмнийхээ амь нас, эрүүл мэндийг хамгаалах эрхэм үйлсийн тэргүүн эгнээнд ажилладаг улсын, нийслэлийн болон аймгийн онцгой комиссуудад Петровис Группийн зүгээс 15 сая төгрөгийн өртөг бүхий шатахуун хандивласан бол энэ удаад дахин эрүүл мэндийн салбарт 40 сая төгрөгийн өртөг бүхий 3000 ширхэг түргэвчилсэн оношлуур хандивлаж, хувь нэмрээ орууллаа.

Батламжийг Петровис Ойл ХХК-ийн Ерөнхий захирал С.Энх-Амгалан ЭМЯ-ны Төрийн нарийн бичгийн даргын албан үүргийг түр орлон гүйцэтгэгч Я.Амаржаргалд хүлээлгэн өглөө.

Төр засгийн байгууллагууд, аж ахуйн нэгжүүд болон ард иргэдийн идэвх зүтгэл, сахилга батын үр дүнд улс орондоо үүсээд буй коронавируст халдвар (COVID-19)-ын тархалтыг эрдэнэт хүний амь насны эрсдэлгүй даван туулж чадна гэдэгт итгэлтэй байна.

Сайн үйлс бүхэн дэлгэрэх болтугай.

Петровис Группийн сошиал сувгуудыг дагах


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.