Коронавируст (COVID-19) халдварын тархалт эрчимтэй нэмэгдэж, Дэлхийн эрүүл мэндийн байгууллагын гишүүн 195 орноос нийт 185 орныг хамраад байгаа юм. 
Тиймээс улс орнууд өндөржүүлсэн бэлэн байдал зарлаж, халдварын тархалтын эрсдэлийг бууруулахаар чармайн ажиллаж байна. Энэ дагуу Нийслэлийн Эрүүл мэндийн газртай хамтран авто тээврийн шалган нэвтрүүлэх 8 товчооны зургаад нь АШУҮИС-ийн резидент эмч нар ажиллаж байна.

Гэвч НҮБ-тай хамтран “Монгол Улс: (COVID19) - Урсгал хөдөлгөөний тандалт” судалгаан дээр ажиллаж, асуумж бөглөж байгаа резидент эмч нар "цалин мөнгөгүй, хүнд нөхцөлд ажиллаж байна" гэсэн гомдол гаргажээ.

Тиймээс дээрх эмч нарыг ирэх даваа гарагаас эхлэн татан буулгаж байгааг НЭМГ-аас албан ёсоор мэдэгджээ. 

НЭМГ-аас өгсөн мэдээллээс резидент эмч нарыг зориулалтын дулаан хувцас, амны хаалт (маск), бээлий, нүүрний хаалт зэрэг хувийн хамгаалах хэрэгсэл, хоол ундаар тогтмол хангаж байгаа бөгөөд өдөрт 20 мянган төгрөгийн урамшуулал олгохоор тооцсон байна.  

 

---