Шинэ коронавирусээс урьдчилан сэргийлэх үүднээс ЭМЯ-наас иргэдийг гараа тогтмол угаах болон гар ариутгагч бодисыг хэрэглэхийг зөвлөж байгаа билээ. Тэгвэл гар ариутгагч бодисын хомсдол бага байгаа тул спирт найруулан гараа ариутгах боломжтой гэж зөвлөсөн.

Энэ дагуу Ханс Вилла хотхоны СӨХ-ноос цахилгаан шатанд гар ариутгагч шингэнийг байршуулсан байна. Үүнийг энэ сарын 25-ны өдөр 51 настай эрэгтэй Б уусан хэрэг гарчээ.

Тэгвэл дээрх иргэний биеийн байдал муудаж, эмнэлэгт хүргэгдсэн гэх мэдээлэл явах болсон. Энэ талаар Хордлогын яаралтай тусламжийн үндэсний төвийн албанаас хүнээс тодруулахад "Цахилгаан шатанд байрлуулсан гар ариутгагч уусан гэх иргэн манай төвд ирээгүй. Харин долоо хоногийн өмнө нь гэртээ байсан цэнхэр спирт уугаад хордсон хүн манай төвд ирсэн" хэмээв. 

Тухайн иргэний хувьд архины хамааралтай байсан бөгөөд ар гэрийнхэн нь хэд хоногоор гэрт түгжсэн бөгөөд энэ үед гэрт байсан цэнхэр спиртнээс 50 грамм уун хордон Хордлогын яаралтай тусламжийн төвд эмчлүүлээд гарчээ.

Ер нь архины хамааралтай, архи уусан үедээ төрөл бүрийн эм, ахуйн хэрэглээний бодис ууж хордсон иргэд элбэг байдаг гэнэ. Иймд ариутгалын зориулалтаар ашиглаж байгаа спиртыг зөв зохистой найруулж, хадгалахыг мэргэжлийн байгууллагаас зөвлөв. 

 

---