АНИМЕ
СПОРТ
ХӨГЖИМ
™ watch
Fact check | 4 сарын өмнө

FACTCHECK: Хожмын үеийн гэгээнтнүүд: Бид шашныхаа төлөө амиа өгнө

Нийтэлсэн
4 сарын өмнө

Нийтэлсэн:   С.Будрагчаа
4 сарын өмнө

Монгол улсад өдрөөс өдөрт үйл ажиллагаагаа өргөжүүлэн хөгжүүлж, гишүүд дэмжигчдийнхээ тоог тасралтгүй өсөн нэмэгдүүлж байгаа Мормоны шашин Монголд хэрхэн дэлгэрсэн, мөн ямар үйл ажиллагаа  явуулж байгааг факт чек нэвтрүүлгийн энэ удаагийн дугаараар толилуулж байна.

МОРМОНЫ ШАШИН МОНГОЛД ДЭЛГЭРСЭН НЬ

Монгол Улсад 1990 онд ардчилсан хувьсгал ялсны дараагаас эхлэн дэлхийн янз бүрийн шашны урсгалууд ямарч хориг саадгүйгээр Монголд нэвтэрч эхэлжээ.

Түүхийн энэхүү эгзэгтэй цаг үеийг ашиглан Монгол Улсад боловсролын үйл ажиллагаа явуулна, англи хэл заана гэх нэрийг дор Мормоны шашны урсгалынхан Монголд орж ирцгээв.

Баарт Жэй Бирч, Дуэн Ли Бланчарт, Брент Эндрью Хэнсон, Жаред Мэйр, Куртис Дэ Мортенсен, Бредлей Жэй Пиерсэн гэх анхны зургаан номлогч Монголын их, дээд сургууль болон дунд сургуульд англи хэл заана хэмээн виз аван орж ирсэн байдаг.

Тэд орж ирээд хэсэг хугацаанд Монголын залуучуудад англи хэлсэн заасан бөгөөд энэ үедээ Монголыг өөрийнхөө шашинд хэрхэн, ямар аргаар татах талаар тун ч нухацтайгаар тагнан судалж эхэлсэн байна.  

Нийгмийн шилжилтийн хүнд бэрх үеийг туулж, бор хоногийг хоолтой хоолгүй өнгөрүүлж байсан Монголын хүүхэд багачуудыг Мормоны шашны номлогчид хоол, хувцас, дуу хөгжим, чихэр жимсээр хууран өөртөө дасгаж, шашиндаа элсүүлэх ажлыг хийж эхэлсэн нь маш бага зардалтай хэрнээ асар өндөр үр дүнтэй ажил байлаа.

Монголын хүүхэд багачуудын итгэлийг олж авсандаа дулдуйдан Мормоны шашныхан 1994 онд анхны сүмээ энэхүү 5 дугаар орон сууцны 7 тоотод байгуулжээ.

Охид хөвгүүдийг уулзаж болзох, танилцаж нөхөрлөх сэдэл дээр дөрөөлөн эхэлсэн мормоны шашны пасторууд номлол, суртал ухуулга нь жил ирэх тусам гүнзгийрч монголын мянга мянган залуусыг зүрх сэтгэл, оюун бодлыг нь эзэмдэж эхлэв.

МОРМОНЫ ШАШИН ГЭЖ ЮУ ВЭ

Мормоны шашны албан ёсны нэр нь Есүс Христийн Хожмын Үеийн Гэгээнтнүүдийн Сүм юм. 1820 онд 14 настай жаал хүү Иосеф Смит нэгэн гайхамшигт үзэгдлийг харсан бөгөөд ингэснээр Мормонизмыг эхлүүлэх суурь нь тавигджээ.

Тухайлбал,  2015 онд Мормоны сүмийн номлогч Жепес гэгч хүн 25 эхнэр, 146 хүүхэдтэй байсан нь илэрч Канадын шүүхээс ял шийтгэл авсан нь дэлхий нийтэд шуугиан тарьж байв.

Энэхүү шашны урсгалыг шүтэн дагадаг Монголчууд олон эхнэртэй болсон гэх дуулиан одоогоор сонсогдоогүй байгаа ч Мормончууд олон хүүхэдтэй байх хандлагыг ихэд дэмждэг нь үнэн юм.

Мормоны шашин  хамгийн их түгсэн улс нь АНУ бөгөөд тус улсын Юта мужийн Солт-Лэйк  хотод Мормоны шашны төв байрладаг байна.

 


Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.