"Бодлын хулгайч", “37 дугаар точка” олон ангит кинонд туслах дүр бүтээсэн жүжигчин, дуучин Б.Батмэндийг мансууруулах бодис хууль бусаар олж авч, хадгалсан, хэрэглэсэн гэх үндэслэлээр шалгаад харьяалах шүүхэд нь шилжүүлсэн талаар "Өнөөдөр" сонины өнөөдрийн дугаарт сэтгүүлч Д.Дайчин мэдээллээ. 

Б.Батмэндийг Баянзүрх дүүргийн нутгаас өнгөрсөн нэгдүгээр сард барьсан аж. Бидний эх сурвалжийн мэдээлснээр шээсэнд нь биологийн тест тавихад "THC"-ээс гадна "каннабис" төрлийн ургамал хэрэглэсэн нь нотлогдсон гэв. 

Бид энэ талаар жүжигчин, дуучин Б.Батмэндтэй утсаар холбогдоход “Ээ базарваань. Хэрвээ ямар нэгэн тийм зүйл болсон бол өдийд би хоригдчихсон байх ёстой байх. Чухам юунаас болоод ийм мэдээлэл гарсныг мэдэхгүй. Хаанаас хэн ямар зорилгоор ийм муухай гүжир гүтгэлгийг тарааж байгаа юм болдоо. Би уг нь хүнд гэм хийдэггүй л хүн юмсан. Ах нь одоо 50 хүрч яваа хүн. Яалаа гэж жоохон хүүхэд шиг ийм зүйлд холбогдох вэ дээ” гэж байсан юм. 

---