Өнгөрсөн долоо хоногт хонины ястай мах нэг килограмм нь дунджаар 9633 төгрөг, үхрийн ястай мах нэг килограмм нь дунджаар 11399 төгрөгийн үнэтэй байна.

Үхрийн ястай мах “Хүчит шонхор” 10000 төгрөг, “Меркури” хүнсний захад хамгийн өндөр үнэтэй буюу 14000 төгрөг байна. Энэ долоо хоногийн ажиглалтаар хонины ястай мах “Хүчит шонхор” хүнсний захад хамгийн хямд буюу 8300 төгрөгөөр, харин “Меркури” хүнсний захад хамгийн өндөр үнэтэй буюу 13000 төгрөгөөр худалдаалж байна.

Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1419-2000 төгрөг, 1-р зэргийнх 1179-1500 төгрөг, 2-р зэргийнх 800-1100 төгрөг байна.

Өмнөх долоо хоногтой харьцуулахад монгол төмс 1.0 хувиар буурч 814 төгрөг, байцай 0.5 хувиар өсч 1684 төгрөгөөр тус тус худалдаалагдаж байна. Харин бусад хүнсний ногооны үнэ тогтвортой байлаа.

---