™ watch
Улс төр, Видео мэдээ | 6 хоногийн өмнө

LIVE: З.Энхболд: АН нийт нэр дэвшигчдийн дөрөвний гурвыг цоо шинэ хүмүүсээр бүрдүүлнэ

Нийтэлсэн
6 хоногийн өмнө

Нийтэлсэн:   С.Шүрэнчимэг n
6 хоногийн өмнө
Сурталчилгаа

Монгол Улсын Ерөнхийлөгчийн Тамгын газрын дарга З.Энхболд үүрэгт ажлаасаа өнөөдөр (2020.02.13) чөлөөлөгдөж байгаагаа мэдэгдлээ.

Ерөнхийлөгчийн Тамгын газрын дарга З.Энхболд:

Гурван сарын дараа УИХ-ын ээлжит сонгуулийн компанит ажил эхлэх учир би ажлаа өглөө. Сонгуульдаа төвлөрөх шаардлагатай байна. Ерөнхийлөгч миний хүсэлтийг хүлээж авна гэж амласан учир өнөөдөрөөс ажлаас чөлөөлж өгнө гэж итгэж байна.

Би энэ оны нэгдүгээр сараас эхлэн С.Эрдэнэ даргын ахлах зөвлөхөөр ажиллаж эхэлсэн. Энэ ажлаа үргэлжлүүлэн хийнэ. Сонгуульд ямар нэгэн байдлаар оролцоно. Миний оронд Монголын хөлбөмбөгийн холбооны ЕНБД-аар ажиллаж буй Ө.Шижир ажиллана гэв.

ЕТГ-ын дарга З.Энхболдоос цөөн асуултад хариулт авлаа.

-Та хаанаас нэр дэвших вэ?

 -Би хаанаас ч нэр дэвшиж магадгүй. Судалгаа хийнэ.

-Таныг Өвөрхангай аймгаас бэлтгэсэн “Цензургүй сурвалжлага”-ыг захиалж хийлгэсэн гэж үзэж байна?

-Би тэр нэвтрүүлгийг зөв гэж бодож байгаа учраас хуваалцсан. Тэнд ИТХ-ын гишүүн болохгүй л бол тендер олддоггүй балай систем үйлчилж байна. Тиймээс бусад аймгууд ч гэсэн ийм нэвтрүүлэг хийх хэрэгтэй. Сэтгүүлч нар ил болгох хэрэгтэй. Г.Батхүү агсан бид хэд Я.Содбаатар нар шиг ЖДҮ-ийн зээл авч байгаагүй. Тийм ёс зүйгүй байгаагүй юм.

-Таныг С.Эрдэнийг өмөөрч ерөнхийлөгчтэй ам зөрсөн гэсэн мэдээлэл байна?

-Би хэнтэй ч санал зөрөөгүй. Өмнөх сонгуулиар би онгоцтой улс тойрсоор байгаад сонгуульд ялагдсан. Одоо амиа бодмоор байна. Аль нэг тойрог сонгож ажилламаар байна. Уг нь ажлаа өгөхгүй хийж болох ч энд байхаар хэл аманд ороод байгаа учир Ерөнхийлөгч намайг сонгуулиа бод гэсэн. Ардчилсан нам нийт нэр дэвшигчдийнхээ дөрөвний гурвыг цоо шинэ хүнээр бүрдүүлнэ. Хуучин гишүүн байсан арваад хүн л нэр дэвшинэ.


Сэтгэгдэл (2)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

иргэд
6 хоногийн өмнө
103.212.117.97

Тэр арав дотор С.Эрдэнэ л бүү ороосой билээ,нэр орсонч навс ялагдаасай билээ гэж зальбирах юм

Зочин
6 хоногийн өмнө
203.91.116.154

Манай намаас тэдэн хүн дэвшинэ .Ингэнэ гээд. Намын дарга болчихсон юм уу. Намын дарга нь дуугараагүй байхад

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.