АНИМЕ
СПОРТ
ХӨГЖИМ
™ watch
Нийгэм | 6 сарын өмнө

Монголчуудыг коронавирусээр сүйрүүлэхээр заналхийлсэн ГИХГ-ын мэргэжилтэнг халжээ

Нийтэлсэн
6 сарын өмнө

Нийтэлсэн:   З.Балдандугар
6 сарын өмнө

Гадаадын иргэн харьяатын газрын мэргэжилтэн Б (нэрийг өөрчлөв) гэгч нь “БНХАУ-ын 50 иргэнийг хууль бусаар хил нэвтрүүлж, Монголчуудыг коронавирусээр сүйрүүлнэ” хэмээн заналхийлсэн агуулгатай зүйлийг олон нийтийн газарт ярьсанаасаа болж ажлаасаа халагджээ.

Монгол Улсын Засгийн газар коронавирусийн тархалтаас урьдчилан сэргийлэх чиглэлээр өдөр шөнөгүй идэвхийлэн ажиллаж байхад Д.Мөрөн даргатай Гадаадын иргэн харьяатын газрын мэргэжилтэн ийм ёс бус зүйлийг ярьсан нь тэр даруйдаа тусгай албадынхны сонорт хүрсэн байна.

Бид уг асуудлаар ГИХГ-ын дарга Д.Мөрөнтэй холбогдон ёс зүйгүй авир гаргасан тухайн мэргэжилтэнд ямар хариуцлага тооцож байгааг асуухад “Тусгай албаныхан уг хэргийг шалгаад дуусч байгаа байх. Бид тийм ёс зүйгүй хүнийг ийм ажилд ажиллуулахгүй. Ажлаас нь нэн даруй чөлөөлнө” гэсэн юм.

Уг ёс бус асуудал гаргасан мэргэжилтэн нь ГИХГ-т 2016 оноос ажиллаж эхэлсэн бөгөөд Буянт-Ухаа боомтод хяналтад тавьж ажилладаг байжээ.  

 


Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.