Эрх мэдлээ урвуулан ашиглаж, төсвийн хөрөнгийг хувьдаа зарцуулсан үндэслэлээр Эрүүл мэндийн яамны Төрийн нарийн бичгийн даргаар ажиллаж байсан Д.Очирбатыг АТГ-ынхан шалгаж эхэлжээ. Тэрээр ЭМ-ийн төрийн нарийн бичгийн дарга, Улсын нэгдүгээр төв эмнэлгийн даргаар ажиллах нэг жилийн хугацаандаа хувийн эзэмшлийн “Ланд круйзер-200” маркийн машинаа нийтдээ арван сая төгрөгөөр “Таван богд” болон “ARB Mongolia” компаниудаар засуулж, тоноглуулсан байна. Мөн яаманд төрийн нарийн бичгийн даргаар томилогдож ирснийхээ дараа өрөөгөө засуулахдаа төсвийн мөнгийг үргүй зарцуулсан байж болзошгүй байгааг мөн шалгаж байгаа аж.

Д.Очирбатыг Улсын нэгдүгээр төв эмнэлгийн даргаар ажиллаж байх үед нь зүрхний мэс засалд орсон хоёр хүн амиа алдсан харамсалтай хэрэгтэй холбогдуулан ажлаас нь чөлөөлсөн билээ.

---