УИХ-ын гишүүн, АН-ын дарга С.Эрдэнэ, УИХ-ын дарга Г.Занданшатарт мандатын талаар санал хүргүүлжээ. 

Саналд "Нийт хүн амын 46 хувь нь амьдардаг нийслэл Улаанбаатар хотод 35 мандат ногдохоор байна. Улаанбаатар хотын мандатыг нэмдэгдүүлдэггүй юмаа гэхэд бууруулахгүйгээр шийдэх нь зүйтэй. Хэрэв нэг мандаттай аймгуудад мандат нэмж олгох зорилт байгаа бол цөөн хүн амтай аймгаас эхлэн аймгууд дотроо шилжүүлэх замаар шийдэх нь шударга ёсонд нийцнэ. Хүч түрэх замаар шийдвэр гаргавал бид улс төрийн шат дараалсан арга хэмжээ авахаа мэдэгдэж байна" гэжээ.

---