Эрэгтэйчүүдийн 70 кг-ын жинд ДАШТ-д анх удаа зодоглож буй, үндэсний шигшээ баг, “Алдар” спорт хорооны тамирчин ОУХМ Бат-Эрдэнийн Бямбадорж Иракийн Давод Аль Дулаимиг оноогоор цэвэр, ДАШТ-ий мөнгө, хүрэл медальт АНУ-ын Жеймс Гринийг 4:2-оор тус тус ялсан юм. Тэгвэл 1/4 шигшээд “Лас-Вегас-2015” ДАШТ-ий алтан медальт ОХУ-ын Магомедрасул Газимагомедов хүч үзэж 0:5-аар ялагдав. Түүний өрсөлдөгч нь хагас шигшээд Гүржийн Зураб Якобишвилиг ялсан тохиолдолд манай бөхөд маргааш дагах барилдаан гарна.

 

---