Филиппин улсын нийслэл Манила хотоос урагшаа 60 орчим км-т байдаг Таал галт уул үнс нурмаа цацаж, уур манан савсуулж байсан бол халуун лаав цацарсан байна. Ойр орчмын хагас сая иргэнийг нэн даруй нүүлгэн шилжүүлэх шаардлага гарч магадгүй хэмээн эрх баригчид сэрэмжлүүлжээ. Галт уулын халуун уур, утаа 100 км орчим өндөрт хүрсэн байна.

Орон нутгийн цагаар ням гарагт галт уул чичирхийлж, хүчтэй дуу чимээ гарчээ. Таал галт уул нь Филиппин улсын хоёр дахь хүчтэй галт уул ажээ. Галт уулаас гарч буй үнс нурмаас болж нийслэл Манила хотын олон улсын нисэх буудал 250 орчим нислэгээ цуцалжээ.

 

 

Оршин суугчдад хандан нүүрэндээ баг зүүж агаарын бохирдлоос хамгаалахыг уриалсан байна. Таал нуур болон галт уулын ойролцоо арлын дунд байдаг хоёр тосгоны оршин суугчид хамгийн их эрсдэлтэй бүс нутагт байна гэж үзжээ. Тус галт уул нь өнгөрсөн 450 жилийн дотор нийт 34 удаа идэвхжсэн байна.

 

 

Өнгөрөгч оны сүүлээр Шинэ Зеланд улсад аялал жуулчлалын төв болсон Цагаан арлын галт уул оргилж, ойр орчимд нь аялж байсан иргэд амь насаа алдсан болон түлэгдэж гэмтсэн ноцтой тохиолдол гарсан билээ.

 

 

Эх сурвалж: The BBC, The Guardian

---