™ watch
Дэлхий дахинд | 1 долоо хоногийн өмнө

Украйны онгоцыг сөнөөгөөгүй гэж худлаа ярьсан Ираны эрх баригчдыг эсэргүүцэж байна

Нийтэлсэн
1 долоо хоногийн өмнө

Нийтэлсэн:   Г.Ганчимэг
1 долоо хоногийн өмнө

 

Иран улсын нийслэл Тегеран хотод зуу зуун иргэн жагсаалд нэгдэж, Украйны онгоцыг андуурч сөнөөсөн хэргээ нуухыг оролдсон эрх баригчдыг худалч хэмээн шүүмжлэн буруутган, уур бухимдлаа илэрхийлж байна. Жагсагчид Тегеран дахь хоёр их сургуулийн гадаа цугласан бөгөөд тэднийг тараахын тулд нулимс асгаруулагч цацжээ.

АНУ-ын Ерөнхийлөгч Дональд Трамп болон өрнөдийн эрх баригчид жагсагчдыг дэмжиж буйгаа илэрхийлсэн байна. Трамп жагсагчдын эсрэг хүнлэг бус арга хэрэглэж, тайван жагсаалыг хүчээр тараахгүй байхыг уриалан Иран улсад хүний эрхийн хянагчид мөрдөн шалгах хэрэгтэй, дахин цахим орчин интернэтийг салгаж иргэдийн эрхэнд халдахгүй байхыг Твиттер хуудсаараа дамжуулан анхааруулжээ. Мөн дэлхийн нийт Ираныг нухацтай ажиглаж байгааг сануулсан байна.

Иран улс Ирак дахь АНУ-ын хоёр бааз руу пуужин харвасны дараа хэдхэн цагийн дараа 176 зорчигчтай Украйны зорчигч тээврийн онгоц сүйрсэн. Уг сүйрлийг Тегераны эрх баригчид техникийн гэмтэл саатлаас болсон гэж мэдэгдэж байсан ч дэлхийн бусад улс орнууд осол тун сэжигтэй, тагнуулын мэдээгээр гадны биет буудаж сөнөөсөн хэмээн мэдээлсэн.

 

/Украйны онгоцыг буудаж сөнөөсөн бичлэг/

 

Ослоос хойш гурав хоногийн дараа буюу өчигдөр бямба гарагт Ираны эрх баригчид онгоцыг санамсаргүй байдлаар буудаж сөнөөсөн гэдгээ хүлээн зөвшөөрсөн билээ. Шариф, Амир Кабир их сургуулиудын гадаа онгоцонд амиа алдсан хохирогчдын дурсгалд хүндэтгэл үзүүлэхээр цугласан иргэд орой гэхэд уур бухимдлаар буцалж, ослын талаар худал хэлсэн хүмүүсийг үхэх ялаар шийтгэхийг шаардсан байна. Мөн Ираны армийн Ерөнхий командлагчийг нэн даруй огцруулахыг уриалжээ. 

 

Эх сурвалж: www.bbc.com 


Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

dalai
1 долоо хоногийн өмнө
66.181.183.151

yaaana asuudal shvv

Зочин
1 долоо хоногийн өмнө
202.179.31.242

сөнөөхийг нь мэдэж байсан юм шиг зурагыг нь авдаг ????????????

Zochin
5 хоногийн өмнө
84.189.81.5

Kkkkk odooo ymar ch hun zurag avna shdee ynar zurgiin aprat beldeh shaardlaga bhgui erguutehee bolimoor ym chi bas ingeed ongots ubaj bval zurgiig ni avna shdr

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.