АНИМЕ
СПОРТ
ХӨГЖИМ
™ watch
Дэлхий дахинд | 6 сарын өмнө

Өмнөд Австралид 10,000 тэмээг нисдэг тэргээр буудаж эхэлжээ

Нийтэлсэн
6 сарын өмнө

Нийтэлсэн:   Г.Ганчимэг
6 сарын өмнө

 

Өмнөд Австрали мужид цаг агаарын онц үзэгдэл, ган гачгаас болж олон мянган тэмээ ус хайн тосгон суурингуудад нэвтэрч, байшин барилгуудыг эвдэж сүйтгэх болсон тухай мэдээлсэн. Тиймээс 10,000 орчим тэмээг тав хоногийн турш нисдэг тэргээр буудаж, нядлах ажил лхагва гарагт эхэлсэн байна.

Хэт олон тэмээ тосгон, суурингуудад орж ирсэн нь бага насны хүүхдүүдэд эрсдэлтэй байгааг анхааруулжээ. Тэмээнүүдээс гадна зэрлэг адууг устгаж эхэлсэн байна. Австралийн хүрээлэн буй орчин, усны газраас ирсэн мэргэн буудагчид амьтдыг нядалж байгаа юм. Өмнөд Австралийн Анангу Питжантжарагийн хүн ам сийрэг оршин суусан газарт нядалгаа явагдаж байна.

Халуун, хуурай цаг агаар улс орон даяар асар их хэмжээний ойн түймэр асахад нөлөөлж байгаа юм. .

 

 

Өдгөө олон зуун мянгад хүрсэн тэмээ ган гачгийн улиралд хүмүүст хэрэгтэй ундны усыг ууж, фермийн тоног төхөөрөмжийг сүйтгэж байна гэж үзсэн учраас устгалд оруулжээ. Мөн метан, хүлэмжийн хий их хэмжээгээр ялгаруулж цаг уурын өөрчлөлтийг хурдасгаж байна гэж үзжээ.  

 

Эх сурвалж: The BBC


Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.