ЗТХЯ-ны Авто замын бодлогын хэрэгжилтийг зохицуулах газрын Замын ашиглалт, засварын хэлтсийн дарга Х.Оргил-Эрдэнийг цагдан хорих 48 цагийн хугацаа дууссан тул түүнийг 2020 оны нэгдүгээр сарын 01-ний өдрийн 23.00 цагт суллажээ.
Нийслэлийн прокурорын газраас Х.Оргил-Эрдэнийг цагдан хорих, таслан сэргийлэх саналаа 2019 оны 12 дугаар сарын 31-ний өдөр Сүхбаатар дүүргийн эрүүгийн хэргийн анхан шатны шүүхэд гаргасан боловч Х.Оргил-Эрдэнийн өмгөөлөгч Б.Баатарсайхан шүүгчээс татгалзах санал гаргасан тул шүүх хурал хойшилсон юм.
АТГ-ын Мөрдөн шалгах хэлтсийн ажилтнууд түүнийг БНХАУ-ын хөрөнгө оруулалттай “Хэйлонжиан жиньеи рөүд энд бридж” ХХК-ийн ажилтнаас 20,000 юаны авлига авч байхад нь арванхоёрдугаар сарын 30-ны орой үйлдэл дээр нь баривчилсан гэх мэдээлэл цацагдаад байгаа билээ.
Гэвч Х.Оргил-Эрдэнийг үргэлжлүүлэн цагдан хорих, таслан сэргийлэх шийдвэрийг шүүх гаргаагүй учраас тэрбээр гадуур байцаагдаж байгаа аж.

---