Монгол Улсын Ерөнхий сайд У.Хүрэлсүх шинэ жилийн мэндчилгээ дэвшүүлэх үед хэд хэдэн удаа найтааж бужигнуулсан хүүхэд олон хүний хайр өхөөрдлийг төрүүлж байна. Уг жаалын нэрийг Л.Мандула гэдэг бөгөөд Буянт-Ухаа цогцолбор сургуулийн 2д ангийн сурагч юм байна. Ерөнхий сайдын мэндчилгээний дор хүмүүсийн бичсэн сэтгэгдэлдээ “Хэчнээн удаа үзэв дээ. Элгээ хөштөл инээлээ”, “Ойрд инээгээгүйгээрээ инээлээ. Хөөрхөн”, “Хамгийн олон удаа давтаж үзсэн мэндчилгээ энэ байлаа” гэхчилэн дандаа л хайрлаж өхөөрдсөн үгс байсан юм.

---