АНИМЭ
СПОРТ
ХӨГЖИМ
™ watch
Дэлхий дахинд | 9 сарын өмнө

Чилийн 38 зорчигчтой цэргийн онгоц алга болжээ

Нийтэлсэн
9 сарын өмнө

Нийтэлсэн:   Г.Ганчимэг
9 сарын өмнө

 

Чили улсын цэргийн нисэх онгоц Антарктикаас Чилийн нисэх хүчний баазыг чиглэн нислэг үйлдэж байгаад радараас алга болсон тухай мэдээллээ. Онгоцон дотор 38 хүн зорчиж байжээ.

С-130 Геркулес загварын онгоц орон нутгийн цагаар 16 цаг 55 минутад Пунта Аренагаас хөөрч, цаг орчмын дараа буюу 18:00 цагт холбоо тасарсан тухай ВВС мэдээлэв.

Чилийн нисэх хүчнээс сураггүй болсон онгоц, зорчигчдыг хайх, осолдсон тохиолдолд аврах эрэл хайгуулын ажлыг эхлүүлсэн тухай мэдээлсэн байна. Хайгуулд F-16 загварын байлдааны хоёр онгоц, дөрвөн усан онгоцыг дайчилжээ. Эрх баригчид онгоц алга болох үедээ Жорж хааны арлын Чилийн Ерөнхийлөгч Эдуардо Фрэй Монтальвагийн бааз дээгүүр нисч байсан хэмээн мэдэгджээ.

Тус улсын төрийн тэргүүн Себастьяан Пинера 38 хүн бүхий цэргийн онгоц алга болсонд сэтгэл түгшин зовж буйгаа Твиттер хуудсаараа дамжуулан мэдэгдсэн байна.

 

Эх сурвалж: www.bbc.com


Манай хуудсыг дагаарай!


Холбоотой мэдээ

     Анимэ сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.