Хар баасан гараг, цахим даваа гарагийн хямдралууд таны дансыг хоослоод зогсохгүй хувийн мэдээллийг тань ч хулгай хийж байж болзошгүй гэдгийг АНУ-ын Холбооны мөрдөх товчооноос сэрэмжлүүлжээ.

Удахгүй болох баяр, амралтын өдрүүдийн өмнө Холбооны мөрдөх товчооноос хэрэглэгчдийн ихээр худалдаж авч буй интернэт холболт, царай таних технологи бүхий ухаалаг зурагтууд таны хувийн мэдээллийн санд хулгайгаар нэвтэрч байж болзошгүй гэж анхааруулж байна.

Хамгаалалтгүй ухаалаг зурагтуудын тусламжтайгаар апп хөгжүүлэгчид, зурагт дэлгэц үйлдвэрлэгчид хэрэглэгчдийг тагнан мөрдөх боломжийг цахим гэмт хэрэгтнүүдэд олгож байж болох юм. Шинэ үеийн зурагтууд бүрэн программ хангамжтай болсон тул дуу, дүрсний мэдрэгчийн тусламжтайгаар интернэтээр мэдээлэл дамжуулах эрсдэлтэй ажээ.

Царай танихаас гадна дуу хоолой таньдаг болсон нь технологийн дэвшил мөн боловч хамгаалалтгүйгээс цахим гэмт хэрэгтнүүдийн өгөөш болоход хялбар гэж холбооны мөрдөгчид ярьжээ. Тиймээс ухаалаг телевиз хөгжүүлэгчдэд хандаж аюулгүй байдлаа хамгаалах цэсийг сайжруулан хөгжүүлэхийг уриалсан байна.

 

Эх сурвалж: www.cnn.com

---