2020 оноос нийгмийн даатгалын шимтгэлийг нэмэгдүүлж 26 хувьд хүргэж буйг Хөгжлийн бэрхшээлтэй хүний эрхийн форумоос эсэргүүцэж буйгаа илэрхийлэв. Хөгжлийн бэрхшээлтэй хүний эрхийг хамгаалах чиглэлээр үйл ажиллагаа явуулдаг 40 гаруй төрийн бус байгууллага нэгдэж форум байгуулжээ.
2019 оны тоон мэдээгээр манай улсад 103 000 гаруй хөгжлийн бэрхшээлтэй иргэн амьдарч байгаа бөгөөд тэдгээрийн зөвхөн 19 хувь нь хөдөлмөр эрхэлж үлдсэн 81 хувь нь халамжийн тэтгэвэрээс өөр орлогогүй хүнд нөхцөлд амьдарч байна.
Хөдөлмөрийн бэрхшээлтэй иргэд төрөөс бэлэн мөнгө авахыг хүсэхгүй байна.

Харин ажилд орж ажиллах хүсэлтэй байхад ажил олгогчдод дарамт болж, нийгмийн даатгалын шимтгэл нэмэгдэж байгаа нь хөгжлийн бэрхшээлтэй хүнийг ажиллуулах бус эрүүл хүнийг ажиллуулах нөхцөл бүрдээд байна. Ажлын байрыг нэмэгдүүлэхэд саад болсон шийдвэрийг эсэргүүцэж буйгаа илэрхийлэв.
Олон улсад хөгжлийн бэрхшээлтэй хүнийг ажиллуулж байгаа ажил олгогчийг нийгмийн даатгалын шимтгэл төлөхөөс чөлөөлж байдаг. Гэтэл манай улсад хөгжлийн бэрхшээлтэй иргэдийн ажлын байрыг нэмэгдүүлэх арга хэмжээ авч ажиллахын оронд ажил олгогч нар нэмж ажиллах хүч авах боломжийг хязгаарлаж байна. Сүүлийн жилүүдэд хөгжлийн бэрхшээлтэй иргэдийг ажиллуулснаар орчны хүртээмж сайжирч, иргэдийн хандлага өөрчлөгдөх болсон.
Хөгжлийн бэрхшээлтэй иргэдийн эрх ашгийн төлөө ажилладаг төрийн бус байгууллагуудад хүртэл ажил олгогч байдаг. НДШ нэмэгдсэнээр ажил олгогчид хүртэл дарамт болж байна гэсэн Хөгжлийн бэрхшээлтэй хүний эрхийн форумын төлөөлөл дурдлаа.

---