Баянзүрх дүүргийн эрүүгийн хэргийн анхан шатны шүүх УИХ-ын гишүүн Б.Батзориг, ХХААХҮЯ-ны Төрийн нарийн бичгийн дарга асан Д.Энхбат, ЖДҮХС-ийн гүйцэтгэх захирал асан С.Төгсбилэг, тус газрын мэргэжилтэн Б.Мөнхтулга, Э.Чангаасүрэн, Ч.Хашчулуун, В.Одхүү нарт холбогдох хэргийг прокурорт буцаах шийдвэрийг дөнгөж сая гаргажээ.

Прокурор зүгээс дээрх хүмүүст Эрүүгийн хуулийн 22.1-2 буюу “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан”, 22.4-1 буюу “хахууль өгөгчийн ашиг сонирхлын үүднээс албаны чиг үүргээ хэрэгжүүлсний хариуд, эсхүл хэрэгжүүлэхийн тулд шууд, эсхүл бусдаар дамжуулан хахууль өгөхийг шаардсан, авсан” хэмээн буруутгаж, ялын дүгнэлт үйлдэн шүүхэд шилжүүлээд байсан юм.

---