Хэн нэгэнд гүн дурлаж, хайрлах нь бидний эрүүл мэндийн байдалд нөлөөлөх нь бий ажээ. Гэвч үүнээс илүү таны эрүүл мэндэд сайн бас муугаар нөлөөлж, хэвийн байдлыг алдагдуулдаг зүйл бол таны эцэг, эх, хүүхдүүд, ах, эгч, дүүс, авга, нагац, өвөө, эмээ зэрэг гэр бүлийн бусад гишүүдтэй ямар харилцаатай байхаас шалтгаалдаг гэж судлаачид үзэх болсон байна.

Гэр бүлийн гишүүдтэйгээ харилцаа муу, тэд таныг анхаарч халамжилдаггүй бол архаг хууч өвчнөөр өвдөх эрсдэл нэмэгддэг ажээ. Уг судалгааг хийхэд 3,000 гаруй хүний 1995-2014 он хүртэлх мэдээлэл, баримт нотолгоо, өвчний түүхийг судалсан байна. Судалгаанд оролцуулсан хүмүүсийн дийлэнх нь дунджаар 45 настай байгаа юм.

Тэдний 19 жилийн хугацаанд гэр бүлтэйгээ ямар харилцаатай байсан, хосын харилцаанд хэрхэн хандаж ирсэн зэргийг өвчний түүх, тодруулбал толгой өвдөх, зүрхээр хатгуулах, харвах зэрэг бүх өвчний давтамж тохиолдлыг харьцуулан судалжээ.

Ингэхэд хамтрагчаас гадна гэр бүлийнхээ өргөн хүрээний гишүүдтэй асуудалтай хүмүүс олон тооны архаг хууч өвчтэй, эрүүл мэнд нь сул байжээ. Ихэнх эмч мэргэжилтнүүд судлаачид ойрын хамтрагч хостойгоо ямар харилцаатай байхаас тухайн хүний эрүүл мэндийн байдал шалтгаалдаг гэж үздэг байсан тул шинээр хийсэн судалгааны дүнд ихэд гайхширсан байна.

 

Эх сурвалж: www.cnn.com 

---