Финланд улсын далайн эргийг олон мянган ширхэг өндгөн хэлбэртэй мөсөн давхарга хучсан байжээ. Энэ нь маш ховор тохиолдох байгаль цаг агаарын онц үзэгдлээс болж үүссэн гэдгийг цаг уур судлаачид хэлж байна.

Гэрэл зурагчин Ристо Маттила Швед, Финланд улсуудын дунд байрлах булангийн Хайлуото арал дээрх мөсөн өндөгнүүдийн зургийг даржээ. Цаг уурын мэргэжилтнүүд мөс олон жижиг хэсэгт хуваагдаж өндөг мэт бөөрөнхий хэлбэртэй болсон нь салхи, усны нөлөөгөөр хувирсан гэж үзсэн байна.

Маттила мөсөн өндөгнүүдтэй таарахдаа эхнэртэйгээ явж байсан ба агаарын температур цельсийн -1 хэмийн хүйтэн, салхи ихтэй өдөр таарчээ. Түүний тооцсоноор ийм мөс далайн эргийн 30 метр орчим талбайд тархсан байв. Хамгийн жижиг нь өндөг шиг, хамгийн том нь хөлбөмбөгийн бөмбөг шиг хэмжээтэй ажээ.

 

 

Далайн ус давалгаалахдаа гадаргуу дээр хөлдөж, салхины аясаар хөлдсөн мөсний гадаргуу зөөлөрч бөөрөнхийлөгддөг байна. Үүнтэй ижил тохиолдол 2016 онд ОХУ-д мөн АНУ-д харагдаж байжээ. Сибирийн орчимд далайн эрэгт мөсөн бөмбөгүүд 18 км талбайг хамран бүрхсэн ба хамгийн том нь метрийн диаметртай байсан юм.

 

Эх сурвалж: www.bbc.com 

---