Төв аймагт 2018 оноос эхлэн "АПУ Дэйри" ХХК болон ХААН банк хамтран “Сүүний нэмүү өртгийн сүлжээг дэмжих кластерийн фермийн төсөл”-ийг хэрэгжүүлж эхэлжээ. Энэ төслийн хүрээнд Францын "Монбелъярд" үүлдрийн 96 үхрийг Төв аймагт авчирлаа. 

Эдгээр үхэрнүүдийг гурван машинд хуваан гурван жолооч 10 мянга орчим км-ийг 20 хоногт туулан авчирчээ. Үхэрнүүд эсэн мэнд ирсэн бөгөөд замдаа нэг нь тугаллажээ.

"Монбелъярд" үүлдрийн үнээ хамгийн багадаа өдөрт 20 литр, дээд тал нь 40 хүртэлх литр сүү өгдөг байна. Манай улсад 7-8 жилийн өмнөөс нутагшуулж эхэлсэн "Монбелъярд" нь манай улсын эрс тэс уур амьсгалд дасан зохицох чадвартай нь ч тогтоогджээ. "Монбелъярд" үүлдрийн шинээр төрсөн тугал 35-40 орчим кг жин татдаг бол тугалтай үнээ 650-750 кг жин татдаг байна. Өөрөөр хэлбэл, сүүнээс гадна махны өндөр ашиг шимтэй үхэр юм. 

"Сүүний нэмүү өртгийг дэмжих кластерийн ферм" төсөл амжилттай хэрэгжсэнээр импортыг сүүг хязгаарлаж, дотоодынхоо сүү, сүүн бүтээгдэхүүнй хэрэгцээг хангах боломжтой болох юм.    

---