Дэлхийн хамгийн их хэрэглэгчтэй Facebook цахим сүлжээ ирэх 2020 оны Ерөнхийлөгчийн сонгуулийн санал хураалттай холбогдуулан улс төрийн сурталчилгаа бүхий баримт материалыг хориглох шийдвэр гаргасан. Гэвч энэ шийдвэр нь ардчиллыг үл хүндэлж, сэвтээж буй хэрэг гэдгийг АНУ-ын тэргүүн хатагтай, төрийн нарийн бичгийн дарга асан хатагтай Хиллари Клинтон мэдэгджээ.

Тиймээс Facebook компаний захирал Марк Зукерберг гаргасан шийдвэртээ хариуцлага хүлээж, төлөөсийг нь төлөх ёстой хэмээн хатуухан шүүмжилсэн байна. 2016 онд АНУ-ын Ерөнхийлөгчийн сонгуульд Ардчилсан намыг төлөөлөн одоогийн Ерөнхийлөгч Бүгд Найрамдах намын нэр дэвшигч Дональд Трамптай өрсөлдөж байсан хатагтай Клинтон Зукербергийн шийдвэр улс төрчдийг худлаа ярихад хүргэнэ хэмээн сэрэмжилжээ.

Өөрөөр хэлбэл улс төрийн холбогдолтой баримт материалыг сурталчилгаанд ашиглахыг хориглох нь сонгуулийг эрх чөлөөтэй, шударга явагдахад нөлөө үзүүлж чадах эсэх нь эргэлзээтэй хэмээн тэрээр анхааруулжээ. Өмнөх Ерөнхийлөгчийн сонгуулиар цахим сүлжээ ашиглан иргэдийн саналд нөлөөлөх явдал олонтаа гарсан учир Зукерберг хориг тавихаар болсон юм.

 

Эх сурвалж: www.theguardian.com

---