Үндсэн хуулийн цэцийн дарга Д.Одбаяр нь БНСУ руу зорчих үедээ онгоцны нисэх багийн ажилтны биед халдаж бэлгийн дарамт үзүүлсэн гэх үндэслэлээр БНСУ-ын цагдаа нарт  баривчлагдлаа гэх мэдээллийг БНСУ-ын хэвлэл мэдээллийн сайтууд нийтэлж эхэлсэн. Энэ дагуу ГХЯ-ны Консулын газрын захирал Л.Мөнхтүшигтэй утсаар холбогдож тодруулахад “Гадаад хэргийн яаманд ийм мэдээлэл ирээгүй байна. Хэрвээ Монгол Улсын төрийн өндөр албан тушаалтан, иргэнийг баривчилсан саатуулсан тохиолдолд элчин сайдын яамаар дамжуулан мэдээллээ яаралтай ирүүлдэг” гэв.

---