Хар тамхи хэрэглэж байгаад үйлдэл дээрээ баривчлагдсан Буриад Улсын гавьяат жүжигчин, дуучин Борхүүгийн Амархүүг шүүх хурал маргааш 14.00 цагаас Хан-Уул дүүргийн эрүүгийн хэргийн анхан шүүхэд болно.

Б.Амархүү нь ХУД-ийн нутаг дэвсгэрт есдүгээр сарын 19-20-нд шилжих шөнө өөрийн эзэмшлийн бенц машиндаа мансуурч байгаад ЦЕГ-ын хар тамхитай тэмцэх албаны алба хаагчдад баривчлагдсан юм. Түүнд Нийслэлийн прокурорын газраас Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар яллах дүгнэлт үйлдэн Хан-Уул дүүргийн Эрүүгийн хэргийн анхан шатны шүүхэд хүргүүлээд байгаа  билээ.

Шүүхээс Б.Амархүүг гэм буруутай хэмээн үзвэл 1-5 хүртэлх жилийн хорих ял оноох аж.

 

---