ГХЯ-ны ТЗУГ-ын дарга Нямдоржийн Анхбаяр: 

-ГХЯ-нд хэзээнээс ажиллаж байна вэ? 

-2006 оноос хойш 10 гаруй жил ГХЯ-нд ажиллаж байна. Шалгуур хангаад л ажиллаж байна.
-Аавын тань нөлөө таны томилгоонд нөлөөлдөг үү?
-Юу гэж дээ. Ямар нөлөө байх вэ.
-Хөх хотын консул асан Д.Мөнх-Эрдэнийн ярьсан дээр тайлбар өгөх үү?
-Би цахим хуудсаараа дамжуулж тайлбар хийсэн. Энэ хүн консул байхдаа өөрийнхөө нэр дээр дөрвөн машин оруулж зарсан. Тиймээс эрх ямбанаас нь чөлөөлөх асуудал гаргаж тавьсан. Ийм л юм болсон.
-Хуульч Т.Энхсайхан гэдэг хүний ярьснаар ХЗДХ-ийн сайдын унадаг машин таны найзын оролцоотойгоор орж ирсэн талаар?
-Манай аавын ажилтай холбогдуулаад янз бүрийн үндэслэлгүй мэдээллүүд тарах юм. Би Энхсайханыг шүүхэд өгчихсөн. Мөн Энхсайхан гэдэг хүний мэдэгдэл дээр ХЗДХЯ-ны авсан машин Мөнхбат гэдэг хүний авсан машины арлын дугаар нь өөр л юм байна лээ шүү дээ. Шүүх нотлох байлгүй дээ.
-Та Эрдэнэтэд ямар бараа шахаж байсан юм бэ. Аавынхаа нэр нөлөөгөөр бараа шахсан гэдэг?
-Олон жилийн өмнөх явдал. Зөндөө ярьсан. Гэхдээ одоо бодоход ёсзүйгүй үйлдэл гэдгийг би хүлээн зөвшөөрнө. Би тийм олон удаа хийгээгүй ээ. 2 удаа л хийсэн. Тухайн үед би төрийн албанд байгаагүй. Хөдөлгүүр нийлүүлсэн. Хэвлэл дээр гараад байгаа шиг өндөр үнийн дүнтэй биш, 400-аад мянган долларын худалдан авах ажиллагаа байсан.

---