Филадельфиа мужийн Дрекселийн их сургуулийн профессор холбооны сангийн мөнгийг хувьдаа завшиж, үдшийн цэнгээний газруудад зарцуулсан нь илэрчээ. Профессор улсын мөнгөөр тайчих клуб хэсч, хувийн хэрэгцээний эд зүйлс худалдаж авсан тул 190,000 ам.долларыг буцаан төлөх ёстой гэдгийг АНУ-ын Прокурорын газраас мэдэгдсэн байна.

Чикаодинака Нуанкпа нь 2007-2017 оны хооронд нийт 189,062 ам.доллараар Club Risque, Tacony Club, Cheerleaders клубуудээр хэсч, iTunes-ын худалдан авалтууд хийжээ. Одоогоор түүнд хэрэг үүсгээгүй байна. Профессор улсын сан хөмрөгийн мөнгийг хувьдаа урвуулан ашигласан нь илэрсний дараа халагджээ.

Одоогоор тэр 53,328 ам.долларыг Дрекселийн их сургуульд  эргүүлэн төлөөд байгаа юм. Сургуулийн захиргаа цаашид ийм алдаа гаргахгүйн тулд дотоод хяналтаа сайжруулахаа мэдэгджээ.

 

Эх сурвалж: www.cnn.com

---