Иргэд угаартаж нас барж буй үйл явдалтай холбоотойгоор төрийн болон төрийн бус байгууллагууд, холбогдох яам, тамгын газрууд тал бүрт ажиллаж мөн мэдэгдэл, мэдээллүүд хийсээр байна. Өнөөдөр болсон хамгийн анхаарал татахуйц мэдэгдэл бол НИТХ-ын төлөөлөгчдийн хийсэн мэдээлэл  байлаа. Учир нь тэд "Сайжруулсан түлш хүний эрүүл мэндэд хортой гэх дүгнэлт өнгөрсөн 2-р сард гарсаар байтал нуусан байна" хэмээн мэдэгдээд байгаа юм. 

Мөн нэмэлт мэдээлэл хүргэхэд, энэ сарын 4-нөөс 8-ны хооронд 6 дүүргийн 61 өрхийн 122 иргэн угаарын хийн хордлогод өртжээ. Үүнээс 58 иргэн нь хүлээн авахаар эмчлүүлж, 39 иргэн зөвлөгөө аван гэртээ харьжээ. Харин 11 иргэн угаарын хийнд хордсон оноштойгоор хэвтэн эмчлүүлж байна. Мөн 6 иргэн угаарын хийнд хордсны улмаас гэртээ нас баржээ. 

---