Ерөнхийлөгч Х.Баттулга 2019 оны зургадугаар сарын 27-нд зарлиг гаргаж нэр бүхий 17 шүүгчийн бүрэн эрхийг түдгэлзүүлсэн.

Тэдний олонх нь Салхитын мөнгөний ордтой холбоотой гэх эх сурвалжийн мэдээлэл бий. Шүүгчдийн асуудлыг АТГ-аас шалгаж байгаа юм. Бүрэн эрхийг нь түдгэлзүүлсэн шүүгчдээс Монгол Улсын Гавьяат хуульч хэргэмтэй нэгнийг шүүгчээр ажилладаг хүүгийнх нь хамт шалгуулахаар АТГ-т хандсан байна. Дээрх 17 шүүгчийг түдгэлзүүлэхийн өмнө Салхитын мөнгөний ордтой холбоотой дуулиан дэгдэж, Гавьяат хууль Б энэ хэргийн улмаас хоригдож байх үедээ амиа алдсан байдаг.

Талийгаач Б-гийн хүү Т шүүгч байсан. Тэгвэл энэ удаад мөн л гавьяат хуульч цол хэргэмтэй нэгэн эрхэм шүүгч хүүгийнхээ хамт АТГ-т шалгуулж эхэллээ. Энэ хүн өнөө хэр нь шүүх, өмгөөллийн байгууллагад зэрэг харьяалагддаг юм байна.

---