Монголын морин спортын тамирчдын нийгэмлэгийн Ерөнийлөгч З.Ариунболд өнөөдөр Монголын үндэсний олимпийн хорооны тэргүүн дэд ерөнхийлөгч Б.Баттүшиг, Ерөнхий нарийн бичгийн дарга Э.Бадар-Ууган, Батлан хамгаалах туслах нийгэмлэгийн дарга Д.Дашзэгвэ нарыг АТГ-т шалгуулахаар албан ёсоор өргөдөл гаргаж байгаа талаараа мэдээлэл хийлээ.

Монголын морин спортын тамирчдын нийгэмлэгийн Ерөнийлөгч З.Ариунболд:

Монголын үндэсний олимпийн хорооны тэргүүн дэд ерөнхийлөгч Б.Баттүшиг, Ерөнхий нарийн бичгийн дарга Э.Бадар-Ууган, Батлан хамгаалах туслах нийгэмлэгийн дарга Д.Дашзэгвэ нар нь үгсэн хуйвалдаж, 30 жилийн түүхтэй манай холбооны үйл ажиллагааг зогсоож, сүүлийн хоёр жил олон улсын тэмцээн уралдаанд оролцох боломжгүй болголоо.

Бид монголын морин спортын тамирчдын нийгэмлэгийг 1993 онд үүсгэн байгуулсан. Анх үүсгэсэн байгуулсан хүн нь нэрт адуу судлаач, соён гэрээрүүлэгч Д.Даваа агсан болон түүний хамтран зүтгэгчид байсан. Энэ холбооныхоо үйл ажиллагааг идэвхтэй явуулж 1998 онд олон улсын морин спортын хороонд бүртгүүлж байсан түүх намтартай. Гэвч манай холбоог хууль бусаар, байхгүй мэтээр Олон улсын олимпийн холбоо руу бичиг явуулж, оронд өөрсдийнхөө холбоог бүртгүүлсэнд бид гомдолтой байна. Тамирчдын олон жилийн хөдөлмөр зүтгэл талаар өнгөрч болохгүй.

Бид олон улсын морин спортын хороонд бүртгүүлчихсэн үйл ажиллагаа явуулж байх үед Монголын үндэсний олимпийн хорооны нарийн бичгийн дарга Э.Бадар-Ууган Олон улсын олимпийн хороо руу “Цаашид Монголын морин спортыг төлөөлж уран уургач холбоо ажиллана” гэсэн бичгийг илгээсэн байна билээ. Энэ үйлдэл нь авлигын сүлжээ байж болзошгүй гэдэг сэжиг таамгийг төрүүлж байна.

Би Монголын үндэсний олимпийн хорооныхонтой уулзахаар “Танай холбоо үйл ажиллагаагаа сайн явуулж байна. Танайхаас өөр холбоо манай улсад байхгүй юм байна. Та нар маань олон улсын морин спортын хорооны гишүүнээр бүртгэгдчихсэн учраас цаашид үйл ажиллагаагаа сайн явуулаарай” гэж худал хэлж гаргаад, гарсны дараа ийм бузар муухай зүйлээ хийж байна. Д.Дашзэгвийг та нар мэдэх байх. Сүүлийн 20 гаруй жил дөрвөн удаа тэргүүнээр сонгогдон ажиллах хугацаандаа улсын төсвөөс санхүүждэг байсан Морин спортыг байхгүй болгосон. Бас сонгогдох бүрдээ морин спортыг Олимпийн төрөлд оруулна гэж худлаа ярьдаг хүн. Олимпийн хорооноос манай хороотой танилцахаар ирсэн албан ёсны төлөөлөгч Жакийг бидэнтэй уулзуулахгүйгээр буцаасанд бид гомдолтой байгаа.

 

---