Нийслэлийн МАН-ын дарга, НИТХ-ын даргаар ажиллаж байсан Ц.Сандуй, "Шинэ Монгол хаад" группийн захирал А.Ганбаатарыг шүүх хурал есдүгээр сарын 26-ны өдрийн 09.00 цагаас  Баянгол дүүргийн эрүүгийн хэргийн анхан шатны шүүхэд болох тов гарчээ.

Нийслэлийн прокурорын газраас Ц.Сандуй, А.Ганбаатар нарт холбогдуулан 2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар “Төрийн эрх мэдлийг хууль бусаар авах хуйвалдаан зохион байгуулах” гэмт хэрэгт яллах дүгнэлт үйлдэж ирүүлсэн эрүүгийн хэргийн урьдчилсан хэлэлцүүлгийн шүүх хуралдаан ийнхүү товлогдсон байна.

---