Жеоржиа мужид жимс түүж байсан Леви Стрикланд ямар нэг зүйл тэсрэх мэт чимээ сонсчээ. Чимээг чиглэн гүйж очиход осолдсон машин байснаас гадна урьд өмнө огт үнэртэж байгаагүй хачин жигтэй үнэр ханхийсэн байна.

Цагдаа нарын хэлснээр энэ үнэр сураггүй алга болсон 32 настай Кэси Жонс болон түүний дөрвөн хүүхдийн цогцосноос гарч байжээ. Тэд сураггүй алга болоод хэдэн долоо хоног өнгөрсөн байв. Уг хэрэгт жолооны ард сууж явсан Жонс хатагтайн нөхөр 38 настай Майкл Вэйнь Жонсыг сэжигтнээр татжээ.

Майкл Жонс жолооны эрхээ хасуулсан төдийгүй ослын газраас зугтсан хэрэгт холбогдож байна. Мөн хоёрдугаар зэргийн хүн амины гэмт хэрэг үйлдсэн гэж үзэв.

Амь насаа алдах үед Кэси 10 настай Камерон Бауэрс, таван настай Престон Бауэрс, хоёр ойтой Меркалли Жонс, нэг ойтой Айяана Жонс нарын хамт сэжигтэнтэй цуг явж байсан хэмээн таамаглаж байна. Тэднийг хамгийн сүүлд зургаан долоо хоногийн өмнө Флоридагийн Окалагийн орчимд гэрчүүд харжээ.

Марион хотын шериф сэжигтнийг гэр бүлийнхнээ хороосны дараа цогцсыг нь Жеоржиагийн өмнөд нутагт авчирж хаясан гэж сэрдэж байна. Цагдаа нарыг ослын газарт ирэхэд цогцоснууд аль хэдий нь муудаж өмхийрсөн байжээ.

 

Эх сурвалж: www.cnn.com  

 

---