АНИМЕ
СПОРТ
ХӨГЖИМ
™ watch
Улс төр, Халуун сэдэв | 11 сарын өмнө

Ерөнхийлөгч Х.Баттулга ҮХНӨ-д тусгасан саналаа бүрмөсөн татан авлаа

Нийтэлсэн
11 сарын өмнө

Нийтэлсэн:   Ш.Лхагва
11 сарын өмнө

 

Төрийн байгуулалтын байнгын хорооны хуралдаан үргэлжилж байна. Ард нийтийн санал асуулга явуулах тухай хуулийн төслийн нэг дэх хэлэлцүүлгийг хийх үеэр Ерөнхийлөгчийн тамгын газрын дарга З.Энхболд орж ирж дараах мэдэгдлийг хийлээ.

ЕТГ-ын дарга З.Энхболд:

-Ерөнхийлөгч Х.Баттулга "Ард нийтийн санал асуулга явуулах тухай" УИХ дахь МАН-ын бүлгийн саналыг дэмжиж байна. Гэхдээ 30 тэрбум төгрөг зарцуулаад гурван асуулт асуух боломж байхад "Үндсэн хуульд оруулах нэмэлт өөрчлөлтийг хийх нь зөв үү, буруу юу?" гэсэн ганцхан асуулт асуух гэж байна. Хоёр дахь асуултыг Ерөнхийлөгч нэмэх саналтай байна. 

Ингээд мэдэгдлийг танилцуулья.

УИХ-ын дарга Г.Занданшатар танаа

Монгол УИХ улс орны тусгаар тогтнол бүрэн эрхт байдлын баталгааны бичиг баримт болох Үндсэн хуулийн өөрчлөлтийг цаг үеийн шинжтэй хэлэлцэж, улс оронд бодитой оршиж буй хүндрэл бэрхшээлийг шийдвэрлэхгүй, ач холбогдол муутай төсөл хэлэлцэж байгаад би харамсаж байна. 

Миний бие уг хуулийн өөрчлөлтөд тодорхой ач холбогдол бүхий зохицуулалт тусгахын тулд эрх баригч та бүхэнтэй хамтран ажилласан боловч үр дүнд хүрсэнгүй. Иймд миний бие Үндсэн хуулийн өөрчлөлтөд оруулахаар хэлэлцүүлсэн өөрийн санал төслийг хэлэлцүүлгийг шатнаас бүрмөсөн татан авч байна.

Засаглалын хэлбэрээ сонгох боломжийг ард түмэнд өгөх ёстой. Монгол улс цаашид "Ерөнхийлөгчийн засаглалтай байх уу, парламентийн засаглалтай байх уу" гэдэг асуултыг "Ард нийтийн санал асуулга"-аар асуух ёстой.

Миний бие тусдаа хууль баталж, хэлэлцүүлэхээс өөр аргагүй гэж үзэж байна. Тиймээс Үндсэн хуулийн асуудлаар явуулах ард нийтийн санал асуулгыг нэн даруй шийдвэрлэхийг хүсье" гэлээ. 

 

 


Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.