Д.АРИУН

Мельбурны есөн настай хөөрхөн охин Райли Дэшвудын  алдартнуудын хувцаслалтыг хөгжилтэйгөөр дууриасан зураг  Австралийн дунд сургуулийн сурагчийг одоогоор 173 мянган дагагчтай болгожээ.  Гэхдээ энэ бол зөвхөн одоогоор шүү дээ.  Рианна, Зендая, Ким Кардашьян,  Майли Сайрус гээд оддын брэндийн хувцасыг энгийн бөгөөд хөгжилтэйгөөр дууриасан зургуудыг тэрээр instagram дахь rileydiary хуудастаа нийтэлдэг байна. Жишээ нь дуучин Ники Минажийн үс засалтыг байцаа, салатны навчаар орлуулсан дууриасан бол дуучин Рианнагийн томдсон хар хүрэмтэй зурагны хажууд хогийн хар уутаар яг адилхан хэлбэртэйгээр хийж өмссөнөөр зэрэгцүүлэн тавьжээ.

Жүжигчин Эмма Стоуны Оскарын шагнал гардуулах ёслол дээр өмссөн Louis Vuitton-ны даашинзыг Райли охин жигнэмэг нааж хийж өмссөн дууриажээ.

Оддын хувцасыг хөгжилтэйгөөр дууриах энэ санааг охин гаргаж харин эцэг эх нь түүн тусладаг байна.  Инстаграмд одоо оруулж байгаа зургуудаа аав, ээжтэйгээ хамтран амралтын өдрөөр бэлтгэдэг байна. Нэг зуораг авч бэлтгэхэд 15-45 минут зарцуулдаг гэнэ.

Инстаграм дээр өнгөрсөн жилээс ийм байдлаар зураг авч оруулж эхэлсэн бол өмнө нь YouTube дээр жүжигчин Шайя Ла Бафуг дууриан бичлэг оруулж байсан тухайгаа охин ярьжээ.

 
 

---