LIVE: З.Энхболд: Ерөнхийлөгчийн засаглалтай болох эсэхийг ард түмнээсээ асуучихья

МУ CONTENT

Шинэ мэдээ

Видео мэдээ, Халуун сэдэв

LIVE: З.Энхболд: Ерөнхийлөгчийн засаглалтай болох эсэхийг ард түмнээсээ асуучихья

 

УИХ-ын Төрийн байгуулалтын байнгын хорооны өнөөдрийн /2019.09.07/ хуралдаан 11.05 цагт 68.4 хувийн ирцтэйгээр эхэлж, Үндсэн хуулийн нэмэлт, өөрчлөлтийг дагаж мөрдөхөд шилжих журмын тухай хуулийн төслийн анхны хэлэлцүүлгийг хийлээ.

Энэ үеэр Ерөнхийлөгчийн тамгын газрын дарга З.Энхболд гишүүдэд хандан Ерөнхийлөгчийн саналыг дамжууллаа.

Тэрбээр "Ерөнхийлөгч МАН-ын бүлгийн шийдвэрийг дэмжиж байна. Үндсэн хуулийн өөрчлөлтийг хийх эсэхийг бүх ард түмнээсээ асуух нь зөв. Гэхдээ зөвхөн Үндсэн хуулийн одоогийн өөрчлөлттэй холбоотой асуудал учир дутагдалтай байна. Яагаад гэвэл Ерөнхий сайд нь танхимынхаа сайд нарыг мэддэг байх, давхар дээлтэй байх саналууд унасан. Сонгуулийн системийн холимог систем ч унасан. Одоогийн шинэчлэлтийг реформын хэмжээний өөрчлөлт болсон гэж үзэхгүй байгаа.

Тийм учраас Үндсэн хуулийн 3 дугаар зүйлийн 1-рт заасны дагуу Засгийн бүх эрх мэдэл ард түмний мэдэлд байдаг нь тунхаг биш гэж үзэж байгаа юм бол засаглалын хэлбэрийг ард түмнээсээ асууя. Монголын ард түмэн Ерөнхийлөгчийн засаглалтай байх юм уу, парламентийн засаглалтай байх юм уу гэдгийг асууя. Энэ зааврыг авсан шинээр байгуулагдах УИХ шинэ Үндсэн хуулиа энэ зааврын дагуу хийгээд тарна. Шилжилтийн УИХ гэсэн үг.

Үүний дараа сонгуулиар гарах УИХ ард түмэн Ерөнхийлөгчийн засаглалыг сонговол Ерөнхийлөгч ард түмнээсээ сонгогдоно. Ард түмэн парламентийн засаглалыг сонговол Ерөнхийлөгч парламентээсээ сонгогддог байх хэрэгтэй. Герман маягийн...

Ерөнхийлөгчийн засаглалыг сонговол АНУ маягийн үндсэн хуультай. Хоорондоо эрх мэдлийн тэнцвэржсэн зохицуулалттай байя. Энэ саналыг заавал ард түмнээсээ асууя. Энэ өөрчлөлтийг УИХ яаж ч батлаад гаргасан Ерөнхийлөгчийн байр суурь ийм байна. Нэгэнт санал асуулга хийнэ гэвэл Ерөнхийлөгч асуулт нэмж өгнө. Түүнийг УИХ батлах батлахгүй нь та нарын ажил болж үлдлээ" гэлээ. 

Санал болгох

13 Сэтгэгдэл

  1. ГАНХУЯГ Ц

    ХАМГИЙН ЗӨВ ШИЙДВЭР БОЛ АРД ТҮМНЭЭСЭЭ ҮНЭН ЗӨВӨӨР АСУУЖ ТЭР ШИЙДВЭРИЙГ НЬ ТУСГАХ АСУУДАЛ ШҮҮ ХАМГИЙН ҮНЭН БОЛ АРД ТҮМЭН

  2. Нинжэкэ

    Ард түмний нэр барихаас өөр юм мэдэхгүй бна уу. Ард түмэн чинь нойлын цаас ш дээ.

  3. Зочин

    Ёрөнхийлөгчийн засаглалтай болбол дээр дээ ядаж л 76 мангас байснаас цөөрөх л байх даа. Тэгээд Цэдэнбал дарга шиг эх орноо гэсэн сэтгэлтэй хүн ёрөнхийлөгч болчихволч болоод явчих байх даа

    1. Со

      Тийм шүү

  4. зочин

    Тийм зүйл байхгүй болохгүй.ерөнхийлөгчийн бууны ноход л хүсэж байгаа.МОНГОЛ ОРОН ПАРЛАМЕНТИЙН ЗАСАГЛАЛТАЙ УЛС.

  5. Зочин

    БОЛОХГҮЙ.!!!

  6. Зочин

    Ардчилал, ардчилсан нийгмийг бий болгох гэж хөлс хүч, залуучуудын эр зориг, ахмад буурлуудын уран ухаанаар олж авсан байхад ингээд л үнэн худал нь мэдэгдэхгүй санал асуулгаар буцаагаад диктаторын дэглэмрүү түлхэчихэж яагаад ч болохгүй ээ. Ямар их шунал, ямар их хорсол вэ? Монголын ард түмэн юуг буруу хийсэн бэ? Баттулга-д бид ямар өртэй вэ?

  7. Зочин

    Зөв Ерөнхийлөгчийн засаглалтай байсан нь дээр

  8. Зочин

    ҮХНӨ гэж баахан ярьж цаг авах хэрэг юу байсийн бол.Одоо бас ҮХ-аа тэс өөрчлөх бас нэг санал оруулж бас нэг цаг хожих юу сэдээд л бна даа.

  9. Дашдаваа

    Ерөнхийлөгчийн засаглалтай болсон нь дээр юм байна гэдгийг саяны үндсэн хуулийн өөрчлөлтийн үр дүнгээс харагдаж байна. 30 жилийн завхралыг энэ 76 аа засах сонирхолгүй гэдэг нь ил тод харагдлаа.

  10. Мөнхханд

    Ерөнхийлөгчийн засаглалтай болсон дээр дэмжиж байна

  11. Чулуунбат

    Ерөнхийлөгчийн засаглалтай болсон дээр худалдагдсан , луйварчингуудаас салмаар байна

  12. Lolita

    Юүкүү дэ.

Сэтгэгдэл үлдээх