™ watch
Дэлхий дахинд, Спорт | 4 сарын өмнө

Сураггүй алга болсон Олимпийн медальт тамирчин нас барсан байдалтай олдов

Нийтэлсэн
4 сарын өмнө

Нийтэлсэн:   Г.Ганчимэг
4 сарын өмнө

 

Испани улсаас анх удаа өвлийн Олимпийн эмэгтэйчүүдийн уулын цанын төрөлд медаль авчирж байсан тамирчин Бланка Фернандез Очоа сураг алга болоод хоёр долоо хоног орчмын хугацаа өнгөрсөн. 56 настай тамирчныг ар гэрийнхэн нь, цагдаагийн ажилтнууд, сайн дурынхан эрэн сурвалжилж хайсан ба олон хоног үргэлжилсэн хайгуулын эцэст нас барсан байдалтай олжээ.

 

 

Түүний цогцсыг Мадридын ойролцоох уулархаг бүсээс үнэрч нохой олсон байна. Эрх баригчид наймдугаар сарын 23-аас хойш сураггүй болсон Олимпийн тамирчны цогцсыг задлан шинжилж үхлийн шалтгааныг нь тодруулахаар ажиллаж байгаа юм. Испанийн спорт хариуцсан газрын ерөнхий нарийн бичгийн дарга Мариа Хосе Риенда “улсын спортын түүхэнд маш эмгэнэлтэй, гунигтай өдөр тохиолоо” гэжээ.

 

 

Уулын цанын тамирчны охин Оливиа Фреснеда наймдугаар сарын сүүлээр ээжийнхээ алга болсныг мэдэгдсэн ба есдүгээр сарын нэгний өдөр Фернандезийг Мадридын ойролцоох тосгонд хар өнгийн Мерседес машин жолоодож байхыг харсан гэрч байгаа юм. Хамгийн сүүлд гэрээсээ гарахдаа гар утсаа авч гараагүй, алга болсноосоо хойш төлбөрийн картуудаа огт ашиглаагүй байна.

Бланка Фернандез Очоа нь 1963 онд Мадридад төрсөн ба 1980-1992 оны хооронд дөрвөн удаа өвлийн Олимпийн наадмын цанын төрөлд өрсөлдөж сүүлийн наадам буюу Францад болсон 1992 оны Олимпоос хүрэл медаль хүртсэн билээ. Тэрээр өвлийн Олимпийн Испанийн баг тамирчдад багтсан гэр бүлийн таван хүүхдийн нэг юм. Түүний ах Франциско Фернандез Очоа Японы Саппород 1972 онд болсон өвлийн Олимпоос алтан медаль хүртсэн анхны Испанийн эрэгтэй тамирчин болсон түүхтэй.

 

 

Эх сурвалж: www.bbc.com


Сэтгэгдэл (7)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

tamir
4 сарын өмнө
59.153.114.75

eregtei yumuu,emegtei yumuu,,medeegee hyanaachee

zochin
4 сарын өмнө
66.181.161.30

oilgohgui bol yadaj zurgiig ni haraachdee. eregtei bna uu emegtei bna uu. haha

zochin
4 сарын өмнө
103.212.117.106

Ehleed medeeg oilgoj unshij surchihaad setgegdelee bicheh heregtei. Tamirchinii ohin ny eejiigee alga bolsoniig medegdsen gej baina, tegeheer eregtei, emegtei ny oilgomjtoi yum bishuu.

Зочин
4 сарын өмнө
182.251.34.239

Тийм байдалтай ингэсэн байдалтай гэж бичдэг болсон юмаа даа. Орчуулгын модон хэлээ гэж ?!

Зочин
4 сарын өмнө
182.251.34.239

Тийм байдалтай ингэсэн байдалтай гэж бичдэг болсон юмаа даа. Орчуулгын модон хэлээ гэж ?!

Зочин
4 сарын өмнө
150.129.141.208

k

Zochin
4 сарын өмнө
103.26.195.11

Mash haramsaltai yum boljee. Yamar shaltgaanaar bas barsan yum bol doo.

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.