ОХУ-ын Ерөнхийлөгч Владимир Владимирович Путин Монгол Улсад энэ оны 9 дүгээр сарын 2-3-ны өдрүүдэд албан ёсны айлчлал хийнэ.

Айлчлалтай холбоотойгоор 02-ны өдөр /ажлын цагуудад замын хөдөлгөөн хэвийн үргэлжилнэ/ зочин "Чингис хаан" нисэх онгоцны буудлаас төв талбай хүртэлх замын хөдөлгөөнийг тодорхой хугацаанд хэсэгчлэн, 03-ны өдөр нийслэлийн Наадамчдын гудамж, Энхтайваны өргөн чөлөө, Чингисийн өргөн чөлөө, Уулын зам, Амарын гудамж, Залуучуудын гудамж зэрэг замуудын тодорхой хэсгийг хэсэгчлэн тус тус хаах бөгөөд цагдаагийн байгууллагаас хаагдах замын талаар тухайн бүрт нь хэвлэл мэдээллийн хэрэгслээр дамжуулан мэдээлэх болно.

Цагдаагийн байгууллагаас замын хөдөлгөөний зохицуулалтыг иргэдэд аль болох хүндрэл учруулахгүй байдлаар зохион байгуулж байгаа бөгөөд иргэд та бүхэн хөдөлгөөндөө соёлтой оролцохыг уриалж байна гэж ЦЕГ-ын Хэвлэл, мэдээллийн тѳвѳѳс мэдээллээ.

Харин ѳглѳѳний 09 цагийн байдлаар зарим замууд түгжрэлтэй, цагдаагийн байгууллагаас зарим хороолол, хэсгүүдийн зогсоолуудыг чөлөөлж байгаатай холбоотой авто замын хөдөлгөөн ихтэй байна. Иймд онцын шаардлагагүй бол өнөөдөр нийтийн тээврээр үйлчлүүлэхийг та бүхэндээ сануулж байна. 

---