Германы Зёст тосгоны цагдаагийн газарт лхагва гарагийн шөнө 00:25 минутад хүүдээ санаа нь ихэд зовсон ээж дуудлага өгчээ. Тэдний найман настай бяцхан хүү эцэг эхийнхээ машины хамт алга болсон байжээ.

Цагдаа нар дуудлагын дагуу хүүг хайж Дортмунд хот руу явдаг авто замын хажуугийн зогсоолоос олсон байна. Тэднийг очиход жаал хүү жолооны ард суучихсан ослын дохиогоо асааж, ослын гурвалжинг машины ард анхааруулан тавьсан байжээ.

Үүгээр ч зогсохгүй хүү аавынхаа VW Golf загварын машинаар цагт 140 км хүртэл хурдалсныг цагдаа нар тогтоожээ. Цагдаа нарыг хараад хүү “Би ердөө жаахан л машин жолоодохыг хүссэн юм” гэж хэлээд уйлсан байна. Хүүгийн ээжид дуудлага өгснөөс хойш цагийн дараа А44 автозамын хажуугийн зогсоолоос олсон гэдгийг мэдэгджээ.

 

 

Машин барих хүсэлдээ хөтлөгдсөн жаал хүүгийн болчимгүй үйлдлээс болж азаар хүн бэртээгүй, эд зүйл эвдрээгүй байна. Хүү жолооны ард суух маш их дуртай гэнэ. Гэр бүлийнхээ эзэмшилд машин барьж байсан ба дөрвөн дугуйтай хөгжилдөхөд зориулсан жижиг машинуудыг байнга унаж тоглодог гэжээ.

 

Эх сурвалж: www.bbc.com

---