Супер модель Хайди Клум 46 настайдаа шинэ амьдрал зохиож 29 настай хөгжимчин Том Каулицтай гэрлэсэн билээ. Хайди Клум бал сараа Италид өнгөрүүлж далай харан зогсож буй дотуур хувцастай нүцгэн зургаа Инстаграмм хуудастаа нийтэлсэн нь олны анхаарлыг татжээ.

Зурган дээрээ “Миний харж буй бүх зүйл бол УС” хэмээн бичсэн байсан ч түүний бие галбирыг шүүмжлэгчид “Миний харж буй зүйл бол дундаж насныхны хямрал” гэх мэтээр сөрөг хандлага илэрхийлсэн байна. Өөр нэг хүн “Дасгал хийх хэрэгтэй эмээ минь” хэмээн түүний зурган доор бичжээ.

 

 

Харин Клумын үнэнч шүтэн бишрэгчид түүнийг хамгаалж “Тэр 46 настай гэхэд гайхалтай харагдаж байна. Шүүмжлэхээ боль” хэмээн эергээр хариулт өгчээ. Мөн “Тэр өөрийнхөө амьдралд сэтгэл хангалуун байна, та нар ч бас өөрсдийнхөөрөө хөгжилд” хэмээн шүүмжлэлийг няцааж хамгаалжээ.

 

 

Эх сурвалж: www.cnn.com

---