Ойрын саруудад дэлхийн нийтийн анхаарлын төвд байгаа Хонконгт болж буй үйл явдлын талаар эндүү ташаа мэдээлэл дамжуулсан гэх хуурамч хаягуудыг устгалд оруулснаа Twitter, Facebook цахим сүлжээнээс мэдэгдлээ. Өнгөрсөн ням гарагт Хонконгийн бүх нийтийн тайван жагсаалд 1,7 сая хүн нэгдсэнийг олон улсын агентлагууд дамжуулсан.

Дэлхийн хамгийн хамгийн олон хэрэглэгчтэй дээрх цахим сүлжээнүүд Хонконгт болж буй үйл явдлуудын талаар хуурамч мэдээлэл дамжуулж буй хаягуудын ард Хятадын Засгийн газрын гар хөл байж магадгүй хэмээн сэрдэж байна. Twitter-ийн албан ёсны мэдэгдэлд нийт 936 хаягийг улс төрийн зориулалтаар ашиглаж байна гэж үзэн хаажээ. Уг хаягуудаас Хятадын засгийн газрын үйл ажиллагааг илт дэмжсэн мэдээлэл дамжуулж байсан гэж үзэв.

Харин Facebook сүлжээ долоон хуудас, гурван групп, таван хаягийг устгасан байна. Эдгээр хаяг, хуудсуудаар улс төрийн мэдээ, нэн ялангуяа Хонконгийн жагсаалын талаар мэдээлсэн ба өөрсдийн хаяг, байршлыг нуун дарагдуулахыг оролдсон ч хакеруудын тусламжтайгаар илрүүлсэн гэдгийг Facebook-ын цахим аюулгүй байдлыг хариуцсан Натаньел Глейчер мэдэгджээ.

 

 

Эх сурвалж: www.bbc.com

---